Numeri 28:11 - Mawu a Mulluku

¹¹ “Va nllapo nawaamba na orive mweeri, muvelleelleke wa Apwiya mukutho wooshellelliha. Mukuthooyo okhalleke wa anankhoro a asaanaang'ombe eelli, nankhoro a enkhosa emodda ni anankhoro a asaanaankhosa atthanu ni eelli a muyakha mmodda, ddittheddene ddikhalleke ddoohirakalla.

Numeri 28:11 Iomraidhean Croise

2 Mamwene 4:23

Nave mamunooyo aamukoha wi, “Kaambiiwa tini ollello munayeenyu wa olliye? Ollellothi khe nllapo na Ehakallallo ya Wooneya wa Mweeri apaalle nllapo na Sabata.” Mutthiyanooyo ahaakhulla wi, “Khaviri yookatamiha.”

1 Epilli 23:31

erive enthawi mikutho ddooshellelliha ddaavelleelliwaka wa Apwiya dda masabata, dda wooneya wa mweeri navettho dda erive ehakallallo ya mallapello. Mitteko ddawaarumeyella Apwiyanndda eneeroddeera wa enthawi yoohimalla.

2 Epilli 2:3

Vano Solomoni aarumiha mawu wa Huramu mwene a o Tiro wi, “Mukeerelle wonanko mmo mweerelleenyu ni attiitthaaka Davide vawaarumihellani miteekho ddamukunguza wi emakelle enyumbiiwa wi ekhallekemo.

2 Epilli 2:4

Kinapaalla wi kaamakelle enyumba Apwiya Mullukwaaka. Wenko moohihiyerera kineerekovelleella wa alliwa lubani* na nthuko naphaama, buledi oopatuleya ni mikutho ddooshellelliha ohinase ni misikuwa, va masabata, va mallapo a Ehakallallo ya Wooneya wa Mweeri ni mallapo mamodda aweella voothwarani malamulo a Israele wa enthawi yoohimalla.

2 Epilli 8:13

monga mikutho dda nllapo ni nllapo navettho mikutho ddimodda moollikana ni malamulo a Mose monga dda masabata, dda Ehakallallo ya Wooneya wa Mweeri, dda mallapo mararu a ehakallallo a muyakha ni muyakha, dda Ehakallallo ya Buledi Oohikhalla ni Yisiti, dda Ehakallallo ya Milungu ni dda Ehakallallo ya Misasa.

Ezara 3:5

Vatulli viwa, yaanavirellella ovelleella mikutho ddooshellelliha mwa enthawi ddittheddene ddoovelleella dda Ehakallallo ya Wooneya wa Mweeri ni dda mallapo mattheene a machellello a Apwiya yakeraatthihiwe navettho ddoovelleella dda arive muthu wa Apwiya mwa opaalla waye.

Nehemiya 10:33

Monga buledi oopatuleya, mikutho dda nllapo ni nllapo dda yoocha ni ddooshellelliha owaaka mikutho dda masabata, dda Ehakallallo ya Wooneya wa Mweeri, dda ehakallallo ddimodda, dda ddeko ddoopatuleya, dda ddoopepesella machimo a Aisraele owaakattho mitteko ddittheddene dda o enyumba ya Mullukwaahu.

Masalimo 40:6

Khamwaapanlle mikutho ni ddoovelleella, koma mookivaha maaru wi kiiwellekena. Khamwaavekille mikutho ddooshellelliha, ni mikutho ddoopepesella machimo.

Masalimo 40:8

Weera nnddo munapaalleenyu, nyu Mullukwaaka, onnakiddivella malamulwaanyu eri m'murimani mwaka.

Masalimo 81:3

Ipani nipallapata va wooneya wa mweeri, wooneya wamututha va nllapo na ehakallallo.

Masalimo 81:4

Vawi tti lamulo nowaakhallella a Israele noovenyera wa Mulluku a Yakobo.

Yesaya 66:23

Athu a mitundu ddittheddene eneeroowa okillapella o Yerusalemu va erive Ehakallallo ya Wooneya wa Mweeri ni nirive nllapo na Sabata,” Apwiya aallota.

Ezekiele 46:1

“Mi Apwiya Mulluku kinallota wi, ‘Mullako wa wookhuma nndduwa wa nthato namuwari onaakhalle woowalla mallapo oophara mutteko matthanu ni nimodda. Ehulliweke nllapo Nasabatave ni nllapo na Ehakallallo ya Wooneya wa Mweeri.

Ezekiele 46:6

Va nllapo na ehakallallo ya wooneya wa Mweeri mwenooyo amuvelleelleke nankhoro a eng'ombe oohirakalla, asaanaankhosa atthanu ni mmodda ni nankhoro a enkhosa, ddittheddenennddo ddikhalle ddoohirakalla.

Ezekiele 46:7

Va arive nankhoro a enkhosa mwene avelleelleke vamodda ni othu wookwakhwana makilogaramu 20. Vamodda ni asaanankhosaalle mwenooyo avelleelleke othu mmo anaaworelleeye. Avelleellekettho malita masese a makhura va makilogaramu 20 a othu.

Hoseya 2:11

Kineeromalliha ohakallalla waye otthewene, Ehakallallo ya Wooneya wa Mweeri, ya Masabata ni ehakallallo ddimodda ddoopatuleya.

Levitiko 1:13

Koma muthooyo ahuwe marupo ni meto ddene. Nave mullupa mukuthooyo, ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.

Levitiko 1:3

Mukutho wooshellellihooyo wakhalla wa eng'ombe, akhalleke nankhoro, oohirakalla. Aweekena va mullako wa musasa wamutthukumano wi Apwiya eyaakhelle.

Levitiko 1:9

Koma muthooyo ahuwe marupo ni meto ddene. Nave mullupa mukutho ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.”

Amosi 3:5

Ethiyo epallame ttuukoliwa vamusamphani vihiri enyambo? Ethiyo musampha ttuukashuwa ohikolille ello?

Amosi 8:5

muniikoha nyookha wi, ‘Ethiyo Ehakallallo ya Wooneya wa Mweeri enaamalle niini wi nikullihe ddoohata, nllapo na Sabata ninaamalle niini wi nimukullihettho tirigu, wi niyevihe ddoolingella katundu, wi niwellihe mitengo, wi niwiiyere athu ni masikelo awoottha,

Numeri 10:10

Va mallapwaanyu oohakallalla, ootthoolliwa a Ehakallallo dda Wooneya wa Mweeri, mwiipe mapallapata mwaavelleellaka mikutho ddooshellelliha ni mikutho ddeeyaattano. Mapallapataayo eneerewuukaviherani wi kiwuupuwellekeni. Mi tti Apwiya Mullukwaanyu.”

Numeri 28:19

Koma muvelleelleke mukutho wawoosiwa viikho, mukutho wooshellelliha wa Apwiya. Nave okhalleke wa anankhoro a asaanaang'ombe eelli, nankhoro a enkhosa emodda ni asaanaankhosa atthanu ni eelli a muyakha mmodda, ddittheddene ddikhalleke ddoohirakalla.

Agalatiya 4:10

Munnasunga mallapo, miyeri, enthawi ddimodda dda muyakha ni miyakha.

Akolose 2:16

Sika muhaakhullelle wi arive muthu uuvaheni malamulo a nnddo munacheenyu apaalle owirya apaalle dda Ehakallallo ya Wooneya wa Mweeri apaalle dda nllapo na Sabata apaalle dda ehakallallo ddimodda.

Akolose 2:6

Vawi moomwaakhullella Khrisitu Yesu okhalla Apwiyaanyu, mukhallekettho mu eyaattano ni olliye.

1 Samuele 20:5

Davide aamwaakhulla Yonatani wi, “Osiisello tti nllapo na Ehakallallo ya Wooneya wa Mweeri nave kinaphwanella wi kache ni amwene. Koma okaakhullelle wi kiipitthe m'matani ophiyera omuroto misikuwa.

1 Samuele 9:12

Yahaakhulla wi, “Ee, ari wenko, tti oyo anaya muhoollo mwanyummo, akuvakani. Ttuuphiya wene m'muzindanimmu vawi ollello athu enaya yavelleelleke mukutho o nipuro noollapellamo.