Numeri 27:3 - Mawu a Mulluku

³ “Attiitthiihu yaakhwella muchipululuni. Alliwa kheyaari nimodda ni mulloko olle watthukumanne ni Kora vawaawukilani Apwiya. Alliwa yakhwille ekaamba ya machimo ayiwayiwa. Koma kheyaari ni anamwani aallopwana.

Numeri 27:3 Iomraidhean Croise

Ezekiele 18:4

Okumi muttheene tti waaka. Okumi wa nikhollo tti waaka, wa mwaana tti waakattho. Muthu oyo achimwalle sika anaakhwe.

Numeri 14:35

Mi Apwiya koollota. Ddenndda kineereweera wa athu oonanara alla etthukumanne wi ekiinyullulle. Enaakhwelle mu echipululu mwemmu nave enaamallelle mwemmu.”

Numeri 16:19

Kora ahaatthukumaniha athu attheene va mullako wa musasa wamutthukumano moowehana ni Mose ni Aroni. Nave ntitimiho na Apwiya nahooneyella wa athu attheenaayo.

Numeri 16:49

Koma ayo yakhwille ni mullillooyo yaakwakhwana 14,700 woonjerera va athu alle yakhwille va mullatu wa Kora.

Numeri 26:33

Koma Zelofehadi mwaana a Hefere khaarina anamwani aallopwana koma aatthiyanave. Anamwani aatthiyana a Zelofehadi yaari, Mala, Nowa, Hogola, Milika ni Tiriza.

Numeri 27:2

Alliwaayo yahiimella va mullako wa musasa wamutthukumano vamiitthoni va Mose, Eleazara, oohoollella nave va athu attheene, ellota wi,

Numeri 27:4

Ethiyo nnddina na attiitthiihu nikhwe ekaamba yawi kheyaarina mwaana aamullopwana? Munivahe mapuro variyari va abaliiwa a attiitthiihu.”

Yohane 8:21

Yesu aallotattho wi, “Kinimavenyavo miyaano nave muneerokaashaasha koma muneerokhwa ekaamba ya machimwaanyu nave khamuwora oyaawo nko kinayeemi.”

Yohane 8:24

Sika kahuulleellani wi muneerokhwa ekaamba ya machimwaanyu vawi mwaahikhulupilila wi miyaano tti meene, muneerokhwa ekaamba ya machimwaanyu.”

Aroma 5:12

Machimo yaavollowille mu ellapo yavatthi ekaamba ya muthu mmodda, Adamu nave machimo yaalla yaawaana okhwa. Ekaamba ya yeella okhwa woohaphiyera athu attheene kaambiiwa arive muthu aachimwa.

Aroma 5:21

Sika vano vawi machimo yaanalamulella ohoollella o okhwa, emoddamoddave yeeyo, vano echisomo ya Mulluku ennalamulella oweella mu echilungamo, ennanihoollella o okumi woohimalla oweella mwa Yesu Khrisitu Apwiihu.

Aroma 6:23

Vawi mallivello a machimo tti okhwa. Koma emphaso ya Mulluku tti okumi woohimalla mu eyaattano ni Khrisitu Yesu Apwiihu.