Numeri 27:18 - Mawu a Mulluku

¹⁸ Apwiya yaamulleella Mose wi, “Mukuse Yoswa, mwaana a Nuni, muthu oyo ari ni murima waphaama nave omwiiyaatthi matta.

Numeri 27:18 Iomraidhean Croise

Genesis 41:38

Sika Farao aakoha enduna ddayennddo wi, “Ethiyo ninamphwanye wuuwi muthu mmodda oomukhwaranya olla ari ni munepa wa Mulluku?”

1 Epilli 7:27

Elishama aamuyara Nuni nave Nuni aamuyara Yoswa.

Eksodo 17:9

Mose aamulleella Yoswa wi, “Nitthoollelle allopwana amodda, osiisello muye mwawane ekhoto ni Aamaleke. Miyaano kineerewiimella vaddullu va mwaango, kiphareelle ekopo ya Mulluku.”

Daniele 5:14

Kohiiwa wi wookhalla ni munepa wa milluku ddaweella nave wi mwa weyaano mookhalla omolleella wiiwesesa ni ezeru ddoowallamella.

Numeri 11:17

Miyaano kineerokittha wi killote ni weyaano wenko. Kineerewaakawella munepa mmoddamoddave yooyo kuuvahilleemi. Nave alliwa eneerewuukavihera wiireya katundu a athwaayo wi ohiireyeke weekha.

Numeri 13:16

Yaalla sika athu ayo Mose aarumalleeye wi yazonde ellapo. Nave Mose aamuvaha Hoseya mwaana a Nuni nnddina nawi Yoswa.

Numeri 13:8

Mu nlloko na Efuremu yamurumalle Hoseya mwaana a Nuni.

Numeri 27:23

Vano aamwiiyaatthi matta, amwinnya odindo moollikana ni mmo yamulangizelle Apwiya.

Yohane 3:34

Vano oyo arumiwe ni Mulluku anallota mawu a Mulluku kaambiiwa Mulluku annamuvaha munepaaye mookwakhwanella.

Mitteko 13:3

Vano yaahalla ocha, yaavekella, yahiiyaatthi mattiiwa va alliwaayo nave yaaruma.

Mitteko 19:6

Paulo ahiiyaatthi mattaaye va alliwaayo nave Munepa Waweella ahaaphiyera nave yahaamba ollota ellotello ddoohidduwanyeya* navettho yaanallotella.

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Mitteko 6:6

Mullokooyo wahaavelleella athwaayo wa amurummwa, ayo yaavekenlle navettho yaadalisalle vawiiyaatthini mattiiwa va miru ddiwa.

Deuteronomo 1:37

Apwiya yaakishella murima miyaanottho ekaamba ya nyuwaano nave yaallota wi, ‘Naarittho weyaano Mose khovollowa mwiillaponimmo

Deuteronomo 3:21

“Vaavo kaallota ni Yoswa wi, ‘Mohoona ddittheddene Apwiya Mullukwaahu aweerenlleeye mamwene meellaalla Sihoni ni Ogi. Vano amodda attheene munaawaneenyuna ekhoto mwiillaponi mwiwa Apwiya eneeroweerella emoddamoddave yeeyo.

Deuteronomo 3:28

Koma omulangize phaama ni omullipiha murima Yoswa kaambiiwa olliye sika anaahoollelle athwaalla ollapuwa ophiyera ekhopella emoddeeyo ni waakha ellapo eyo onaayooneeweeyo.’

Deuteronomo 31:14

Apwiya yaallota ni Mose wi, “Enthawi ya okumaawo ehanlle yooyeva. Mwiithane Yoswa nave muwe o musasa wamutthukumano wi kimuvollochihe munipuroni mwawo.” Sika Mose ni Yoswa yaaphiya o musasa wamutthukumano.

Deuteronomo 31:23

Vano Apwiya yaamulleella Yoswa, mwaana a Nuni wi, “Khalla amasiva ni oollipa murima. Oneerewaahoollella Aisraele ovollowa mwiillaponi eyo kallupenlleemi nave kineerokhalla ni weyaano.”

Deuteronomo 31:3

Apwiya Mullukwaanyu aneeniiwa sika enaahoolle ollapuwa muhinje ni woononga mitundu ddimodda ddittheddene wi nyuwaano mwaakhe ellapwiiwa. Yoswa sika anaakhalle oohoollellaanyu moollikana ni mmo Apwiya ellotilliiwa.

Deuteronomo 34:9

Vano Yoswa, mwaana a Nuni, aaddalliwa ni ezeru ekaamba yawi Mose aamwiiyaatthi matta wi avollowe muniporoni mwaye. Aisraele yaamwiiwellella Yoswa ni othwara malamulo mattheene ayo Apwiya yaalamulalliiwa oweella mwa Mose.

1 Timoteo 4:14

Ohivevulle emphaso eri mwa weyaano, eyo yavahiwe wa weyaano oweella mwa mawu oollotella va enthawi ya wiiyaatthi wa matta a attekweene va weyaano.

1 Timoteo 5:22

Ohaakuveke wiiyaatthi matta va muthu naari ochimwa vamodda ni athu amodda. Weyaano vaweekhaawo okhalleke aweella.

Aheberi 6:2

dda ehuddiho ya maubatizo, dda wiiyaatthi matta, dda ovenya wa ookhwa ni dda echiweruzo yoohimalla.

Yoswa 1:17

Nineerowiiwellellani wonanko mmo namwiiwellelleehu Mose. Apwiya Mullukwaanyu, ekhalle ni nyuwaano wonanko mmo yakhallelliiwa ni Mose!

Oweeruza 11:29

Vano Munepa wa Apwiya aamukitthella Yefita atimulla aweella o Giliyadi ni o Manase ahokollweella o Mizipa akhwaranyella wa Aamoni.

Oweeruza 3:10

Munepa wa Apwiya waakitthella mwa olliyooyo nave aatthattuwa oweeruza Aisraele nave aaya awana ekhoto nave Apwiya yaamuvelleella m'mattani mwaye Kushani Rishataimu, mwene a o Mesopotamiya.

1 Samuele 16:18

Mmodda mwa allupa muttekwaayo aallota wi, “Koomoona mwaana aamullopwana a Yese o Betelehemu oyo ari ni eruso yoomwiipa gitala, muthu oollipa murima, ooreera, akhoto ni oochenjera voollotani. Nave Apwiya eri ni olliye.”