Numeri 27:17 - Mawu a Mulluku

¹⁷ Muthooyo aahoollelleke vakhotoni nave aalamulelleke wi mullokwaanyu ohikhalle wonanko enkhosa ddoohikhalla ni mbusa.”

Numeri 27:17 Iomraidhean Croise

2 Samuele 5:2

Ovenyera khalle naari Saulo aariiye mwenaahu nyuwaano mwaanaahoollella Aisraele okhotoni. Nave Apwiya yaallota ni nyuwaano wi, ‘Oneerokhalla wonanko mbusa a athwaaka Aisraele nave oneerokhalla mwene a Aisraele.’ ”

1 Mamwene 22:17

Mikaya ahaakhulla wi, “Kaawoona Aisraele attheene emwareyelle va miyaango wonanko enkhosa ddoohikhalla ni mbusa.” Sika Apwiya yaallota wi, “Yaalla khenna pwiiwa owaahoollella. Arive muthu ayeeke owaniwa mwamurendelle.”

1 Mamwene 3:7

Vano nyu Apwiya Mullukwaaka, mookivollochiha omwene wa attiitthaaka mi oorumeyellaanyu naari kiri mwaana mung'onong'ono navettho kihidduwellaka olamulella.

2 Mamwene 11:8

Mumwaapheelleke mwene, arive muthu akusalle ezida m'mattani. Arive muthu anaatamelleke vakhuviru, iiphiweke. Mukhalleke ni mwene orive weko anayeeye.”

2 Epilli 1:10

Vano mukivahe ezeru ni odduwella wi kaahoollelle phaama athwaanywaalla vawi vaahikhalla ezerunnddo ttaani anaawore waalamulella athwaanyu awaata ddiiddaalla?”

2 Epilli 18:16

Mikaya ahaakhulla wi, “Kaawoona Aisraele attheene emwareyelle va miyaango wonanko enkhosa ddoohikhalla ni mbusa.” Sika Apwiya yaallota wi, “Yaalla khenna pwiiwa owaahoollella. Arive muthu ayeeke owaniwa mwamurendelle.”

Ezekiele 34:5

Sika ddaanapallalleya vawi khavaari mbusa. Vano ddaatthattuwa yoocha ya enama ddamuhakani ddittheddene.

Zekariya 10:2

Vawi aterafimu enallota ddoolleka nave awoombesa makhanga enoona ddawoottha. Oottaphullella olloha ennuuhollosani nave enuullipihani murima nivuddo. Sika athu enneeteeta nngu ni nngu wonanko enkhosa yoohikhalla ni mbusa.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Mateyu 10:6

Koma muye wa athu a o Israele ayo tti wonanko enkhosa ddoohollowa.

Mateyu 15:24

Vano Yesu ahaakhulla wi, “Mi kaarumihiwa wa Aisraeleve ayo eri wonanko enkhosa ddoohollowa.”

Mateyu 9:36

Yesu oonille mulloko wa athoolle, ahaamorella ethakaraka kaambiiwa athwaalle yaari ookhupanya ni oorama nikavihero wonanko enkhosa ddoohikhalla ni mbusa.

Mariko 6:34

Yesu akhumalleeye mukallawanimmo, aawoona mulloko wa athu muullupalloolle nave ahaamorella ethakaraka kaambiiwa yaari wonanko enkhosa ddoohikhalla ni mbusa. Sika ahaamba waahuddiha ddeko ddinchichi.

Yohane 10:9

Mi tti mullako. Ayo enavollweella va miyaano aneerovullusiwa. Eneerekovollowa nave eneerekokhuma nave eneerekophwanya munyepu.

Deuteronomo 31:2

Vano kiri ni miyakha 120 nave ngiworattho okhalla oohoollellaanyu. Emodda tti yawi Apwiya yaakilleella wi ngimullapuwa Yordani.

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.

1 Samuele 18:13

Sika Saulo aamuvenyihavo wi ahikhalle ni olliye amuruma wi aahoollelleke akhoto 1,000. Davide aanayaanawo anawaanawo.

1 Samuele 8:20

Ninapaalla wi naheenettho nikhalle wonanko mitundu ddimodda ddittheddene nave mwenaahu aneeruzeke, anihoollelleke woowana ekhoto.”