Numeri 27:16 - Mawu a Mulluku

¹⁶ “Nyu Apwiya, aneena okumi wa athu attheene, mumutthoolle muthu wi awehereke mullokoolla.

Numeri 27:16 Iomraidhean Croise

1 Mamwene 5:5

Sika kinapaalla kaamakelle enyumba Apwiya Mullukwaaka moollikana ni mmo yaalleellelliiwa attiitthaaka Davide wi, ‘Mwanawo oyo kinaamukeraatthiheemi va mpando woomwene munipuroni mwawo sika anaakimakelle enyumba.’

2 Mamwene 11:8

Mumwaapheelleke mwene, arive muthu akusalle ezida m'mattani. Arive muthu anaatamelleke vakhuviru, iiphiweke. Mukhalleke ni mwene orive weko anayeeye.”

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

Yeremiya 3:15

Wenko kineerewuuvahani abusa a vamurimani vaka. Eneerewuuhoollellani mweezeru ni mwawiiwesesa.

Yeremiya 32:27

“Mi tti Apwiya Mulluku a athu attheene. Ethiyo yookhallavo yoohiworeya ni mi?

Yeremiya 38:16

Vakhwipi mwene Zedekiya aallupella vamiitthoni va Yeremiya wi, “Vamiitthoni va Mulluku Ookumi oyo anivahille okumi, miyaano ngiwiipha apaalle wuuvelleella m'mattani mwa athu alla enapaalla owiipha.”

Ezekiele 18:4

Okumi muttheene tti waaka. Okumi wa nikhollo tti waaka, wa mwaana tti waakattho. Muthu oyo achimwalle sika anaakhwe.

Ezekiele 34:23

Kineerewakeraatthihella mbusa mmodda, oorumeyellaaka Davide. Olliye sika anaaddipwathe nave aneerokhalla mbusiiwa.

Ezekiele 37:24

“Oorumeyellaaka Davide sika anaakhalle mweniiwa. Eneerothwara malamulwaaka nave eneerewiiwellella phaama malangizwaaka.

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

Numeri 27:15

Mose ahaaveka Apwiya wi,

Mateyu 9:38

Vekellani wa mwaneena a ddoohatannddo wi aarumihe allupa mutteko etthukumanihe ddoohata ddaye.”

Yohane 10:11

“Mi tti mbusa aphaama, oyo anapaalla okhwa ekaamba ya enkhosa.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Deuteronomo 31:14

Apwiya yaallota ni Mose wi, “Enthawi ya okumaawo ehanlle yooyeva. Mwiithane Yoswa nave muwe o musasa wamutthukumano wi kimuvollochihe munipuroni mwawo.” Sika Mose ni Yoswa yaaphiya o musasa wamutthukumano.

Aheberi 12:9

Attiitthiihu a ellapo yavattheella ennanillaka nave ninnaavaha olemu. Ethiyo yookatamiha ttiivi omugonjella Mulluku, Attiitthiihu m'munepani wi nikhalle ni okumi?

1 Samuele 12:13

“Vano olla sika mwene mwamutthoonlleenyu, oyo mwamvekilleenyu nave Apwiya yuuvahilleewani.