Numeri 26:54 - Mawu a Mulluku

⁵⁴ Nlloko nuullupalli onivahe yoohallana yuullupalli, nlloko ning'onong'ono onivahe yoohallana eng'onong'ono. Nirive nlloko onivahe yoohallana moollikana ni echiwerengerwiiwa.

Numeri 26:54 Iomraidhean Croise

Numeri 26:53

Waakawelle athu yaalla ellapo wi ekhalle wonanko yoohallaniiwa moollikana ni echiwerengerwiiwa.

Numeri 32:3

“Mizi dda Ataroti, Diboni, Yazere, Nimira, Heshiboni, Eleyale, Sebamu, Nebo ni Beoni,

Numeri 32:5

Mwaneerella echifundo, munivahe hiyaano oorumeyellaanyu wi ekhalla yaahu. Muhinillapuse oya okhopella wa Yordani.”

Numeri 33:54

Muneerewaakhella ellapweeyo wi ekhalle yoohallanaanyu mwawoombesa moollikana ni mabanjaanyu. Nlloko nuullupalli naakhelle nipuro nuullupalli nave nlloko ning'onong'ono naakhelle nipuro ning'onong'ono. Muthu avahiweke nipuro nno woombesanko onaamumorelliiwa. Muneerewaakhella nipuro wi nikhalle yoohallanaanyu moollikana ni malloko a makhollwaanyu.

Numeri 35:8

Mwaawaavahaka Aisraele mapuro yaalla wi ekhalle wonanko yoohallaniiwa, mukuse mizinda ddinchichi wa malloko muullupalli nave mizinda ddooyeva wa malloko mang'onong'ono. Nirive nlloko ninaavelleelle wa Alevaayo moollikana ni wunnuwa wa nipuro naakhenlliiwa.

Yoswa 17:14

Edduullu dda Yosefe ddaamukoha Yoswa wi, “Kaambiiwa tini munikawenlleenyu echigawo emodda ya ellapo wi ekhalle yoohallanaahu? Hiyaanothi nohaata vawi Apwiya yaanidalisa.”

Yoswa 19:9

Echigawo ya Simeoni yavahulliwe o yoohallaniiwa ya Yuda vawi echigawo ya Yuda yaawunnuwella. Sika ekaambiiwa yoohallaniiwa ya Simeoni yaariiwa variyari va yoohallaniiwa ya nlloko na Yuda.