Numeri 26:29 - Mawu a Mulluku

²⁹ Mwaana aamullopwana a Manase aari Makiri nikhollo na Amakiri oyo aari attiitthinnya a Giliyadi nikhollo na Agiliyadi.

Numeri 26:29 Iomraidhean Croise

Genesis 48:14

Koma Yakobo aavirikaniha matta atthinddaanyera nnattanatta naye va muru va Efuremu oyo aari mung'onong'ono nave nnatta noonyotthwaaye aanitthinddaanyera va muru va Manase oyo aari muullupalli.

Genesis 50:23

Nave Yosefe aakhalla ni okumi ophiyera ahoona edduullu ddaye, anamwani a Efuremu. Anamwani a Makiri, mwaana a Manase yayariwiiwa, Yosefe aawaakhella munibanjani mwaye.

1 Epilli 2:21

Vatulli viwa Hezironi aakona ni mwaana aamutthiyana a Makiri attiitthinnya a Giliyadi, oyo amutthenlleeye mullopwanooyo ari ni miyakha 60. Nave mutthiyanooyo aamuyarella Segubu.

Numeri 36:1

Oohoollella a mabanja a edduullu dda Giliyadi mwaana a Makiri, mwaana a Manase a mabanja a edduullu dda Yosefe yaawa ellota ni Mose owaakattho oohoollella ni attekweene a mabanja a Aisraele.

Deuteronomo 3:15

“Echigawo ya Giliyadi kaamukawella Makiri a nlloko na Manase.

Yoswa 17:1

Echigawo emodda ya ellapweeyo yaavahiwa wa Manase oyo aari mwaana awaamba a Yosefe. Makiri, nikhollo na athu ookhalla o Giliyadi sika aari mwaana awaamba a Manase. Makiri aarittho akhoto wawi ezigawo dda Giliyadi ni Bashani ddaavahiwa wa olliye.

Oweeruza 5:14

Yaavollowa mutapo ovenyera o Efuremu, yuuthwaraka we Benjamini ni abalaawo. Waavenyera oohoollella akhoto o Zebuloni ni o Makiri, ni o Zebuloni ootukhulla ekopo ya oohoollella.