Numeri 25:13 - Mawu a Mulluku

¹³ Kinapangana ni olliyoolla ni edduullu ddaye ddittheddene, echipangano yookhalla allupa mukutho wa enthawi yoohimalla ekaamba yawi khaakhullenlle wi muthu amullapelleke mulluku mmodda koma miyaano, Mulluku nave aaphara mutteko woopepesella machimo a Aisraele.”

Numeri 25:13 Iomraidhean Croise

2 Samuele 21:3

Vano Davide ahaakoha Agibiyonaayo wi, “Ethiyo munapaalla kiweerelleni tini? Kipepese mwawiidde wi mudalise yoohallana ya Apwiya?”

1 Mamwene 19:10

Eliya ahaakhulla wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

1 Mamwene 19:14

Olliye aallota wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

1 Mamwene 2:27

Sika Solomoni aamuvenyihavo Abiyatara va mutteko wa mullupa mukutho. Nndda ddaakwakhwanihella mawu a Apwiya ayo yallotilliiwa dda nibanja na Eli a o Shilo.

Nehemiya 13:29

Nyuwaano Mullukwaaka, upuwellani mmo yaripihelliiwa ollupa mukuthwiiwa ni mmottho yavevullelliiwa echipangano eyo mwakeraatthihalleenyu ni Alevi.

Masalimo 106:31

Sika olliye aheerengelliwa wi tti oolungama o mibado ddittheddene wa enthawi yoohimalla.

Masalimo 119:139

Osha murima waka onnakhara wonanko munllo m'murimani mwaka, kaambiiwa adanaaka ennatiwalla mawaanyu.

Masalimo 69:9

Echikondaaka va enyumbaanyu yookoononga, epewe ya athu awuuvevullani yookimorella.

Eksodo 29:9

Nave waamakellettho laamba muyuununi mwiwa ni waawarihattho enduwira omuruni mwawi alliwaalla eneerokhalla allupa mukuthwaaka moollikana ni lamulo wa enthawi yoohimalla. Mmu sika onaamuzozelleewe Aroni ni anaaye.

Eksodo 32:30

Osaka wene Mose ahaalleella athu wi, “Nyu mwaachimwa wunchichi. Koma vano kineerooya wa Apwiya omwaangoni nave kuuvekellellani apaalle eneerewuukhululukellani machimwaanyu.”

Eksodo 40:15

Vano waazoze wonanko mmo waazozilleewe attiitthiiwa wi ekhalle allupa mukutho. Nave waamakellettho malaamba muyuununi mwiwa ni waawarihattho enduwira omuruni mwawi alliwaalla eneerokhalla allupa mukuthwaaka moollikana ni lamulo naka noohimalla. Mmu sika onaamuzozelleewe Aroni ni anaaye.”

Yesaya 61:6

Koma muneerekoromolliwa allupa mukutho a Apwiya, muneerekeweeriwa oorumeyella a Mulluku. Muneerekoocha eyuuma ya mitundu ddimodda muneerekokotella ntitimiho niwa.

Yeremiya 33:18

Allupa mukutho Aalevi khewa eramiwa muthu oowa wa miyaano enthawi ddittheddene ovelleella mikutho ddooshellelliha, ddoocha ni ddimoddattho wa enthawi yoohimalla.”

Yeremiya 33:22

Kineeroddiruuwiha edduullu dda oorumeyellaaka Davide ni oorumeyellaaka allupa mukutho Aalevi nave enaate wonanko etheneeri ddooddullu apaalle muhava wa mukhwipi mwa enyanja.”

Levitiko 15:15

Mullupa mukutho aheraatthi ddennddo, nimodda nikhalle mukutho woopepesella machimo, nimoddanno nikhalle mukutho wooshellelliha. Vaavo mullupa mukuthooyo oheera mutetho woomweellihella mullopwanooyo vamiitthoni va Apwiya.

Malaki 2:8

Koma vano nyu allupa mukutho moohiya ettilla yawoona. Ehuddihwaanyu yohaakwakwatuwiha anchichi. Moonanariha echipangano kakeraatthihalleemi ni Levi. Mi Apwiya Amasiva Mattheene koollota.

Numeri 16:46

Mose aamulleella Aroni wi, “Kusa yoothuwihellaawo mwiisi ya lubani, ohellemo mankhalla amunllo wa vanikuwani nave ohellemo lubani. Oyeena mwawaakuva nko ori athu nave oweerelle mutetho woopepesella machimwiiwa. Apwiya aasha murima nave mullilli wohaamba khalle.”

Numeri 16:47

Sika Aroni aakusa yoothuwihella mwiisi moollikana ni mmo Mose allotelleeye athamakella variyaririyari va mutthukumanooyo. Nave ahoona mullilli waambille khalle va athwaayo. Vano aahella lubani, eera mutetho woopepesella machimo a athwaayo.

Numeri 17:12

Vano Aisraele yaamulleella Mose wi, “Nineerokhwa, nineerotthollowa, nineeroraheya!

Numeri 25:14

Muisraele olle iiphiwe vamodda ni mutthiyana a o Midiyani aari Zimiri mwaana a Salu, oohoollella a nibanja na nlloko na Simeoni.

Yohane 2:17

Vano oohudderaaye yahuupuwella wi mawu a Mulluku enallota wi, “Echikondaaka va enyumbaanyu oneerokoononga miyaano.”

Aheberi 2:17

Nndda ddinattaphullella wi aphwanenlle akhalle wonanko mmodda a hiyaano mu ddittheddene wi akhalle mullupa mukuthwaahu muullupalli a echifundo ni oororomelleya voomurumeyellani Mulluku wi machimwaahu ekhululukiwe.

Aheberi 7:11

Naari malamulo a Mose ellotaka wi allupa mukutho ekhalleke edduullu dda Levi, allupa mukuthwaalla kheyaawora oweelliha athu. Vano vaapaalleya wi viwe mullupa mukutho wonanko Melkizedeki, oyo ahiri edduullu ya Aroni.

Yoswa 7:12

Ekaamba ya yeella Aisraele khewora ollipana ni adaniiwa. Aathawa vamiitthoni va adaniiwa kaambiiwa aaphwanella woonongiwa. Ngiwa kikhalla ni alliwa ophiyera woonongille ddeko nnddo kuulamulalleemi wi ohikuse.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

1 Yohane 2:2

Nave ddoonanara ddahu ddinnakhululukelliwa oweella mwa Yesu Khrisitu mwaneena nave ohiri machimwaahuve koma ni machimo a arive muthu.

Yawuupullulla 1:6

Nave aaneeriha wi nikhalle omwene wa allupa mukutho oomurumeyella Mulluku Attiitthinnya. Wa Yesu Khrisitu okhalle ntitimiho ni masiva wa enthawi yoohimalla! Amen.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.