Numeri 24:7 - Mawu a Mulluku

⁷ Maaddi eneerekottekhuma mu ddoorikella maaddi ddawo mmiddwaawo oneerokhalla ni maaddi manchichi. Mwenaawo aneerovuwa omukhwaranya Agagi nave omwenaaye oneerowellihiwa.

Numeri 24:7 Iomraidhean Croise

2 Samuele 5:12

Vano Davide aadduwella wi Apwiya yaamukeraatthiha wi akhalle mwene a Israele navettho wi aawelliha omwenaaye ekaamba ya Aisraele athwiiwa.

1 Mamwene 4:21

Solomoni aanalamulella moomwene mattheene ovenyera o muhinje wa Yufurate ophiya o ellapo ya Afilisti, o malire a Iguputo. Moomwene mattheene yaanakhoma misonkho ni omurumeyella Solomoni mallapo mattheene a okumaaye.

1 Mamwene 5:1

Mwene Hiramu a o Tiro ahaarumiha oomurumeyellaaye wa Solomoni iiwalleeye wi oozoziwa* omwene wa attiitthinnya vawi ahaattana ni Davide.

1 Epilli 14:2

Vano Davide aadduwella wi Apwiya yaamukeraatthiha wi akhalle mwene a Israele navettho wi aawelliha omwenaaye ekaamba ya Aisraele, athwiiwa.

Ezara 4:20

Nave mamwene amasiva yaakhalla elamulellaka mu Yerusalemu ni echigawo ettheene ya vakhopella wa muhinje yaakhellaka kasitomu, musonkho ni erive ello.

Estere 3:1

Ddiviralle nndda, mwene Ahasuwero aamuwelliha odindo mullopwana ooromolliwa wi Hamani Mwagagi, mwaana a Hamedata. Aamunnuwiha ni omuvaha mpando wa vaddullu, okhwaranya enduna ddittheddene ddaari ni olliye.

Masalimo 18:43

Mwaakivullusa wa oollipana ni miyaano, mwaakitthattusa mwene a mitundu, sika athu oohaadduwella yaanakirumeyella.

Masalimo 68:26

“Mutitimiheni Mulluku m'mutthukumano muullupalli, atitimiheni Apwiya nyu edduullu dda Israele.”

Masalimo 72:11

Mamwene mattheene eneeromukokhorella, mitundu ddittheddene dda athu ddineeromurumeyella.

Masalimo 89:27

Kineeromutthattusa mwanaka awaamba wi aakhwaranya mamwene mattheene a va ellapo yavatthi.

Yesaya 2:2

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Mitundu ddittheddene dda athu ddineerothamakella omwaangoninko.

Yesaya 30:25

Va nllapo nno mattattha akhoto a adanaanyu enoonongiwiiwa nave athwiiwa yiiphiwa va orive mwaango muullupalli ni mwanamwaango woorekama vineereweeta mihinje dda maaddi.

Yesaya 48:1

Nyu a nibanja na Yakobo, ngiiwani nndda, nyu munaromolliwa ni nnddina na Israele, nyu edduullu dda Yuda. Munnallupella vamiitthoni va Apwiya, munavekella wa Mulluku a Israele, koma moohiroromelleya ni moohilungama.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Yeremiya 51:13

Nyu mookhalla ni mihinje ddinchichi nave mookhalla ni eyuuma koma enthawi yohuumallellani, okumaanyu woomalla.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Numeri 24:20

Vano Balamu aamoona m'masomphenya Amaleke, aamba ollotella wi, “Amaleke aari awaamba va mitundu ddittheddene, koma wookomella wiwa oneerewoonongeya.”

Yohane 1:49

Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 17:1

Mmodda a angelo atthanu ni eellaalle yaari ni embale ddiwa dditthanu ni piilli aawa wa miyaano nave allota wi, “Ngawa, kineerowooniha mmo onaakhallelle ollakiwa waye wa hule oovuwa, muzinda woovuwa omakiwe mowaatamella mihinje.

Yawuupullulla 17:15

Mungelooyo aallotattho wa miyaano wi, “Maaddi woonilleewe mvo vakeraatthille hulooyo, sika ellapo, malloko, mitundu dda athu ni ellotello dda athu.

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”