Numeri 24:14 - Mawu a Mulluku

¹⁴ Balamu aamulleella Balaki wi, “Vano kinimarowa wa athwaaka. Koma vano kinaaka kuulleelleni nnddo Aisraele enaaweerelliiwa athwaanyu mallapo enawaalla.”

Numeri 24:14 Iomraidhean Croise

Genesis 49:1

Vatulli viwa Yakobo aawiithana anaaye aallopwana nave aalleella wi, “Mutthukumane vamodda wi kuulleelleni ddinaaweereyelleni muhoollo.”

Yesaya 24:22

Mulluku aneerewaatthukumaniha mamwene mattheene vamodda wonanko a mundende munllitini. Eneerewaawallella mundende nave vavira enthawi yoorekama eneerollakiwa.

Yeremiya 48:47

Komave mallapo a muhoollo Apwiya eneerohokollosellattho murendelle wa Mowabu.” Nndda sika ellotille Apwiya dda nnddo ddinaamweereyelle Mowabu.

Yeremiya 49:39

Komave mallapo amuhoollo kineerewaahokollosellattho murendelle athu a o Elamu. Mi Apwiya koollota.”

Daniele 10:14

Sika koowa wi kuutthopoollelle nnddo ddinaaweereyelle athwaawo mallapo enawaalla. Ddeko waddoonilleewe m'masomphenyanndda ddineereweereya mallapo amuhoollo.”

Daniele 2:28

Koma wookhalla Mulluku oddullu awuupullulla ddoovittheya. Olliye oomudduwelliha mwene Nebukadinezara nnddo ddineereye muhoollo. Vano nndda sika ddeko moonilleenyu m'masomphenya muri vabedini vanyu.

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Mika 6:5

Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”

Numeri 24:17

Kinooneemi ddiri muhoollo, kinaweheemi ddiri woorekamella. Mwene aneerokhuma mwa Yakobo, wonanko etheneeri aneerokhuma mwa Israele. Aneerewaanyenya oohoollella a Amowabu eneerewaagonjiha athu a Seti.

Numeri 24:25

Vano Balamu aatimulla anarowa. Balaki aarowattho.

Mitteko 2:17

Mulluku aallota wi, ‘Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

2 Timoteo 3:1

Upuwella wi m'mallaponi oomallihella oneerokhalla ddoohoosa.

Yoswa 13:22

Aisraele yaamwiiphattho ni nsupada Balamu mwaana a Beori, oollohella vamodda ni athu amodda.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Yawuupullulla 2:14

Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.