Numeri 23:9 - Mawu a Mulluku

⁹ Kinawoona ovenyera vaddullu va miyaango, Kinaweha ovenyera va asimiyaango. Alliwa tti athu ookhalla vaweekhiiwa, oohiddeerengelle ni athu a mitundu ddimodda.

Numeri 23:9 Iomraidhean Croise

Ezara 9:2

Aisraele attheene ahaakusa anamwani amodda aatthiyana a ellapo ddenndda okhalla awariwa ni awariwa a aniiwa sika wi mutundu wa athu oopatuleya woottakanyiherana ni athu a mitundu ddimodda. Nave mu ohiroromelleyanngu, oohoollella ni attekweene sika enahoollella ddoonanara.

Estere 3:8

Vano Hamani aamulleella mwene Ahasuwero wi, “Vookhalla nlloko nimodda na athu nno nimwareyelle mwiillaponi ettheeneella nave ninaphwanyeya mu erive echigawo eyo munalamulelleenyu. Malamulo a athu yaalla tti oohiyana ni malamulo a athu amodda attheene. Nave athu yaalla kheniiwellella malamulo a mwene, sika khe phaama wi mwene aahiyerere.

Eksodo 33:16

Ethiyo ddinaadduwanyeye mwawiidde wi mookeerella echifundo ni athwaanyu mwaahithaanana ni hiyaano? Mwathaanana ni hiyaano ddineeronihiyaniha ni athu amodda attheene a va ellapo yavatthi.”

Yeremiya 46:28

Apwiya enallota wi, “We Yakobo, oorumeyellaaka, ohoove vawi mi kiri ni weyaano. Kineerotthollosa mitundu ddittheddene dda athu a ellapo nnddo kawiikarelleemiwo. Koma we nguutthollosa, komave nguuhiya oohuullaka, kinuullake mweechilungamo.”

Yeremiya 49:31

‘Timullani, mwawuhelle ekhoto mutundu wa athu oyo ori m'murendelleni, athu ayo eneesa wi eri vaphaama. Muzindiiwa khonna millako apaalle machiwi oowalliwa ni mikoko ddoollipa nave ori vaweekhiiwa.’

Amosi 9:9

“Vawi kineerolamula, kineerewaatikhella Aisraele nngu ni nngu variyari va mitundu ddittheddene dda athu wonanko mmo enaveethella etthello ovenyihamo ddoohikhalla ni mutteko ddittheddene.

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

2 Akorinto 6:17

Nave vano Apwiya Mulluku enallota wi, “Khumani variyari viwa nave muhipwesererane ni yaayo. Muhittannye ello yooripihiwa, nave kineerowaakhellani.

Deuteronomo 32:8

Mvo Amasiva Mattheene akawenlleeye ezigawo mitundu ddimodda, mvo aamwallanihalleeye athu, ahaahiyera malire moollikana ni waata wa athu a Mulluku.

Deuteronomo 33:28

Sika Aisraele eri vamurendelleni, edduullu dda Yakobo ddookeraattheya mwiillaponi, mmo muhinamalla tirigu ni vinyo, mmo muhinamwara nikame nooddullu.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.