Numeri 23:8 - Mawu a Mulluku

⁸ Koma ethiyo kinaawore mwawiidde omutembelela oyo Mulluku ahimutembelenlleeye? Ethiyo kinaawore mwawiidde omwaashera ddoonanara oyo Apwiya ehimwaashenriiwa ddoonanara?

Numeri 23:8 Iomraidhean Croise

Miyambo 26:2

Wonanko emphera yaawaapheellaka apaalle neenkhaare aavavaka emoddamoddave yeeyo tembelelo khaninammorella muthu oohiphwanellella.

Yesaya 44:25

Miyaano sika kinnalepheliha ezizindikiro dda amasenga kinaakarangeyiha athu awoombesa makhanga. Miyaano sika kinaahumullulla mawu a athu eezeru, kinnooniha wi ezeru ddiwa tti ddookarangeya.

Numeri 22:12

Vano Mulluku aamulleella Balamu wi, “Ohinathaananana nave ohaatembelele athwaayo kaambiiwa tti oodalisiwa.”

Numeri 22:6

Vano waawoni mwaatembelele athwaalla munipuroni mwaka vawi tti amasiva onikhwaranya hiyaano. Apaalle miyaano ttuuwaagonjiha ni owiikariha mwiillaponi mwaka. Vawi kinnadduwella wi oyo munamudaliseenyu annadaliseya nave oyo munamutembelelenyu annatembeleleya.”

Numeri 23:20

Ngoonani, koolamuliwa wi kaadalise. Mulluku adalisa, miyaano ngiwora osintha.

Numeri 23:23

Vawi khamuri okhwiri mwa Yakobo apaalle woombesa makhanga mwa Israele. Vano athu eneerollota dda Yakobo wi, ‘Ngoonani nnddo eerille Mulluku!’

Numeri 23:7

Vano Balamu ahaamba ollotella wi, “Balaki mwene a o Mowabu ookiithana ovenyera o Siriya, omiyaangoni dda wookhuma nndduwa wi, ‘Waawoni mumutembelele Yakobo munipuroni mwaka, waawoni mumwaashere Israele ddoonanara.’