Numeri 23:7 - Mawu a Mulluku

⁷ Vano Balamu ahaamba ollotella wi, “Balaki mwene a o Mowabu ookiithana ovenyera o Siriya, omiyaangoni dda wookhuma nndduwa wi, ‘Waawoni mumutembelele Yakobo munipuroni mwaka, waawoni mumwaashere Israele ddoonanara.’

Numeri 23:7 Iomraidhean Croise

Genesis 10:22

Anamwani a Shemu yaari Elamu, Ashuri, Aripakishadi, Ludi ni Aramu.

Genesis 28:2

Khawe o Mesopotamiya, owaniwa wa Betuele, attiitthiiwa a amaaywaalla. Wenko wamutthelle mmodda a anamwani aatthiyana a Labani, murokoriwa a amaaywaalla.

Genesis 28:7

Ahiiwa wi Yakobo aawiiwellella attiitthinnya ni amennya nave wi aaya o Mesopotamiya.

2 Samuele 21:21

Olliye aanyaambusalle Aisraele, Yonatani mwaana a Shimea, mwanamunne a Davide, aamwiipha.

2 Samuele 23:9

Nave mmoddattho mwa athu ararwaalle aari Eleazara mwaana a Dodo, edduullu ya Ahohi. Olliye aari ni Davide o Pasidamimu mvo Afilisti yatthukumanilliiwa wi ewanena ekhoto. Aisraele yaari ethawille.

Yobu 27:1

Nave Yobu aavirellella ollota wi,

Yobu 29:1

Yobu aavirellella ollota wi,

Masalimo 49:5

Ethiyo kinaawoovelleke tini va enthawi ya ddookatamiha mvo athu ookihoosa enaakaapheelliiwa?

Masalimo 78:2

Kineerewuutthopoollellani niphwanaphwaniho. Kineerollota dda ddeko ddoovittheya ddakhallekhalle,

Miyambo 26:2

Wonanko emphera yaawaapheellaka apaalle neenkhaare aavavaka emoddamoddave yeeyo tembelelo khaninammorella muthu oohiphwanellella.

Ezekiele 17:2

“We mwaana a muthu, waallotelle mwambi Aisraele ni waalleella niphwanaphwaniho nawi

Ezekiele 20:49

Vano kaallota wi, “Apwiya Mulluku, athu ennakillotathi wi, ‘Olla tti yoolle anallotesa maphwanaphwaniho!’ ”

Mika 2:4

Nllapo nenno athu eneerewuunyemullani voowiipellani nchipo na maliro wi, ‘Otulli, nohoonongeya! Apwiya aanaakha ellapwaahu, ahaakawella ayo eniphanre okaporo.’

Habakuku 2:6

Koma oophariwaayo eneeromuvevulla, eneeromunyemulla voollotani wi, “Otulli wa oyo aniitthukumanihella eyuuma ehiri yaaye, anapata eyuuma oweella mu ekongoli ddoohilungama. Ophiyera niini?”

Numeri 22:11

‘Athu oovenyera o Iguputo aaddalla ellapo ettheene nave enawehana ni hiyaano. Waawoni mwaatembelele athwaalla munipuroni mwaka apaalle miyaano ttuuwanana ni owiikariha.’ ”

Numeri 22:17

Ddawoona, kineerewuuriihani wunchichi nave erive ello eyo munaakilleelleenyu, kineereweera. Waawoni mwaatembelele athwaalla munipuroni mwaka.’ ”

Numeri 23:18

Vano Balamu ahaamba ollotella wi, “Venyani Balaki nave mwiiwe, mukiiwellelle nyu mwaana a Zipora.

Numeri 23:6

Sika Balamu aahokollweella wa Balaki, amuphwanya olliye ni oohoollella attheene a Amowabu yiimellille vakhuviru ni mukuthwaaye wooshellelliha.

Numeri 24:15

Vano Ahaamba ollotella wi, “Mawu a Balamu mwaana a Beori, mawu a oyo miitthwaaye tti oohulleya.

Numeri 24:21

Vatulli viwa aawoona Akeni, aamba ollotella wi, “Naari mapuro munakhalleenywaayo tti amurendelle, wonanko emphuru yoomakiwa vanllukuni,

Numeri 24:23

Balamu aavirellella ollotella wi, “Haa! Ttaani anaakhalle ni okumi Mulluku eera ddenndda?

Numeri 24:3

Vano ahaamba ollotella wi, “Mawu a Balamu mwaana a Beori, mawu a oyo miitthwaaye tti oohulleya,

Mateyu 13:33

Yesu ahaalleellattho niphwanaphwaniho nimodda wi, “Omwene wa Mulluku tti wonanko yisiti oyo mutthiyana aamuttakanyihereeye ni othu wa tirigu munchichi ophiyera waafufuma muttheene.”

Mateyu 13:35

Aheera nndda wi ddikwakhwanelle nnddo allotille namallotella Yesaya wi, “Kineerophariha mutteko maphwanaphwaniho kaallotaka. Kineerewaalleella ddeko ddoovittheya waambeella va ophatuwa wa ellapo yavatthi.”

Mariko 12:12

Attekweene a Ayuda* yaapaalla wi emmake Yesu kaambiiwa yaadduwella wi ahaalleella niphwanaphwaniho nowaavaanyiha. Koma yawoova athwaayo, sika yaamuhiya evenyavo.

Deuteronomo 23:4

Alliwaalla kheyuuvahilleni yoocha apaalle maaddi va olendwaanyu woovenyera o Iguputo. Nave yaamwiithaniha Balamu, mwaana a Beori, a o Petori o Mesopotamiya wi uutembeleleni.

1 Samuele 17:10

Nave Mufilistooyo aallota wi, kinnaavevulla akhoto a Israele ollello! Kirumihelleni muthu wi kiwanena.”

1 Samuele 17:36

Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.

1 Samuele 17:45

Koma Davide aamulleella Mufilistooyo wi, “Owiille wa miyaano okusalle nsupada ni nivaka. Koma miyaano kinawa wa weyaano mu nnddina na Apwiya Amasiva Mattheene, Mulluku a akhoto a Aisraele, oyo onamuvevulleewe.