Numeri 23:24 - Mawu a Mulluku

²⁴ Mutundu wa Israele onavenya wonanko mukango waamutthiyana, onnatthupulluwa wonanko nankhoro a mukango, oyo ohinakonaatthi vatthi ophiyera opharille enama owirya nikhame na enama yoophariweeyo.”

Numeri 23:24 Iomraidhean Croise

Genesis 49:27

“Benjamini ari wonanko enama yawoopiha ohinase annattakhuna nnddo aphanreeye, nave mahiiyu annakawa ddawaakhannddo.”

Genesis 49:9

Yuda ari wonanko mwanamukango, Iipha enamaaye, annahokollweellattho nko aniipittheeye. Annattaphuruwa navettho annakonaatthi vatthi wonanko mukango, Nave khaavo anaallipe murima wi amuvenyihe.

1 Mamwene 10:20

Ddoosemiwa khumi ni piilli dda mikango ddahiimesiwattho emodda nngu ni nngu va erive esitepe va masitepe matthanu ni emoddaayo. Khawaarivo omwene waari ni mpando woopangiwa mwawi ddiidda.

2 Epilli 9:18

Mpando woomwenoolla waakhalla ni masitepe matthanu ni emodda ophiya vookeraatthella ni voonyingalla nave embali piilli ddittheddene ddaakhalla ni voohameellihavo miwono ni ddoosema dda mikango ddiimesiwe embali piillinnddo.

Masalimo 17:12

Tti wonanko mukango oyo onapaalla okikhaddulla, oyo okiipitthenlle.

Miyambo 30:30

mukango, oyo ori wamasiva okhwaranya enama ddittheddene khonarapella erive ello,

Yesaya 31:4

Apwiya yaakilleella wi, “Wonanko mukango apaalle musote wa mukango onathurumelliiwa waphara enama, mwawi abusa khewora owiikariha naari ewoopopihe apaalle ekhuwe mwawiidde, emoddamoddave yeeyo khayiivo enaavaanyihe Apwiya Amasiva Mattheene oteteza mwaango wa Ziyoni ni mwanamwaangwiiwa.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Amosi 3:8

Ethiyo mukango wathuruma ttaani ahinoova? Ethiyo Apwiya Mulluku yallota, ttaani ahinaallotelle?”

Nahumu 2:11

Ethiyo vano muzindoolle ori wuuwi? Waari wonanko nikhungu na mikango, mmo asaaniiwa yachelliiwamo, mmo mikango ddittheddene ddakhalliiwamo.

Nahumu 2:12

Mukango waamullopwana waaniipha enama yookwakhwana mukango waamutthiyana ni anaaye, waanaddalliha nikhungu niwa ni enama yookhaddullakhaddulla.

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.

Numeri 23:25

Balaki aamulleella Balamu wi, “Muhinaatembelela apaalle waadalisa.”

Numeri 24:17

Kinooneemi ddiri muhoollo, kinaweheemi ddiri woorekamella. Mwene aneerokhuma mwa Yakobo, wonanko etheneeri aneerokhuma mwa Israele. Aneerewaanyenya oohoollella a Amowabu eneerewaagonjiha athu a Seti.

Deuteronomo 33:20

“Oodalisiwa ekhalle oyo anunnuwiha ellapwaaye, Gadi ari wonanko mukango, annanyenya muwono ni ekharakadda.

Yawuupullulla 5:5

Vano mmodda a attekweene aallota ni miyaano wi, “Ohinlle. Ngoona, edduullu ya Davide, mukango woovenyera o mulloko wa Yuda, oopambana nave aneerowora omarulla ddoomarella dditthanu ni piilli navettho okhunuulla nibukhunno.”