Numeri 23:19 - Mawu a Mulluku

¹⁹ Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

Numeri 23:19 Iomraidhean Croise

Genesis 26:3

Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Genesis 28:15

Ngoona, miyaano ngiwa kuuhiya, kineerewuuteteza orive weko oneereewe oyeewo nave kineerewuuhokollosella o ellapo yeella. Ngiwa kuuhiya ophiyera kenre ddittheddene kuulonjezilleeminndda.”

1 Mamwene 14:11

Arive muthu a mu nibanja na Yerobowamu oyo anaakhwelle m'muzindani, aneerottakhuniwa ni anapwa. Nave arive muthu oyo anaakhwelle muhakani, epallame ddineeromucha. Mi Apwiya koollota.’ ”

2 Mamwene 15:12

Nndda sika Apwiya yamulonjezilliiwa Yehu wi, “Edduullu ddawo ddineerewaalamulella Aisraele ophiyera mbado waneesese.” Nave ddaheereya mwawi ddiiddo.

2 Mamwene 7:2

Vano mulangizi oororomelleya amwene aamukoha muthu a Mulluku wi, “Naari Apwiya aneena emurupihalle murimu munchichi mwawiidde, ddenndda ttuuweereya?” Nave Elisha aallota wi, “Ddawoona, oneeroddoona ddennddo ni miitthwaawo koma khoddicha.”

1 Epilli 17:17

Nyu Mulluku, ddittheddenenndda ddaari ddooyeva vamiitthoni vanyu. Nyu Apwiya Mulluku mwaalonjezattho nibanja naka dda enthawi yuullupalli yamuhoollo nave mookooniha mibado ddamuhoollo, nyu Apwiya Mulluku!

Masalimo 110:4

Apwiya aallupella khesintha maganizwiiwa awi, “We tti mullupa mukutho wa enthawi yoohimalla, omullupa mukuthweene wonanko wa Melkizedeki.”*

Masalimo 132:11

Apwiya yaamullupellella Davide moomusimikizella wi khewa esintha, yaallota wi, “Kineeromukeraatthiha va mpando woomwene mmodda a edduullu ddawo.

Masalimo 77:9

Ethiyo ootiwalla oreera murima waye wulle? Ethiyo oonanariwa waye woohiiha echifundwaayeelle?

Masalimo 89:34

Ngitathilla echipanganwaaka, ngisintha mawu ookhuma vayanoni vaka.

Masalimo 89:35

Kaallupella omodda wi, ‘Vamiitthoni va nnddina naka naweella, ngiwa kimulleka Davide.’

Yesaya 21:17

Mwa athu attheene amasiva a o Kedara ookoka miira, oovulluwa enaakhalle aweerengeyave. Mi Apwiya Mulluku a Israele koollota.”

Yesaya 31:2

Komave Apwiya tti eezeru ni oowora woononga. Alliwa khenahokollosa mawiiwa, annallipana ni oonanara navettho athu enaakavihera oonanaraayo.

Yesaya 40:8

Manasi ennumma, malluwa ennanyaalla koma mawu a Mullukwaahu tti oohimalla.”

Yesaya 46:11

Kiniithana mpungu ovenyera wookhuma nndduwa, sika wi muthu oovenyera o ellapo yawoorekama oyo anaakwakhwanihelle nnddo kinapaalleemi weera. Nnddo killotilleemi kineeroddikwakhwanihella, nnddo kisimikizalleemi kineeroddeera.

Yesaya 55:11

Mmu sika eneerella mawu oovenyera muwano mwaka, khenahokollweella wa miyaano ehiphunre ello koma eneereweera ddittheddene kinapaalleemi, nnddo kaarumihelleemi ddineereweeta phaama.

Yeremiya 4:28

Sika ellapo yavatthi ettheene eneerewinlla nave oddullu oneerokhalla epiphi. Vawi mi Apwiya koollota, ngirukunusa maganizwaaka. Kookeraatthiha yoolingaaka, ngihokollweella mutulli.

Daniele 4:28

Vano ddittheddenenndda ddammorella mwene Nebukadinezara.

Hoseya 11:9

Nguullaka ni osha murima waka woowalli, ngimoonongattho Efuremu Mi tti Mulluku, ohikhalla muthu, miyaano aweella, kiri ni weyaano nave ngiwa kiwoononga.

Mika 7:20

Muneerewooniha ororomelleya wanyu va Yakobo ni echikondaanyu yoohisintheya va Abrahamu monga mwallupenlleenyu khalle wa makhollwaahu.

Habakuku 2:3

Masomphenyaalla enatiyera enthawiiwa enthaweeyo khenakwakhwane, khe ddawoottha, yaselliwa tiyerani vawi eneerophiya, oohikayika.

Malaki 3:6

“Mi tti Apwiya nave nginasintheya. Sika ekaambiiwa nyu edduullu dda Yakobo khemwaatthollosiwe.

Numeri 14:35

Mi Apwiya koollota. Ddenndda kineereweera wa athu oonanara alla etthukumanne wi ekiinyullulle. Enaakhwelle mu echipululu mwemmu nave enaamallelle mwemmu.”

Numeri 23:18

Vano Balamu ahaamba ollotella wi, “Venyani Balaki nave mwiiwe, mukiiwellelle nyu mwaana a Zipora.

Luka 21:33

Oddullu ni ellapo yavatthi ddineeromalla koma mawaaka khemalla. Ddaaphuwaka makukhu anaanweene munnadduwella wi ellimwe yohaatamella.

Aroma 11:29

Vawi Mulluku khanasintha maganizwaaye aawiithanaka athu apaalle aawaavahaka emphaso.

Aroma 9:6

Nginaaka wi lonjezo na Mulluku naalepheleya vawi khe Aisraele attheene eri athu a Mulluku.

2 Timoteo 2:13

Nakhalla oohiroromelleya, olliye annakhallave oororomelleya, kaambiiwa khanawora wiikhoota yeekhaaye.”

Tito 1:2

mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Aheberi 7:21

Koma Yesu avolloweeye wi akhalle mullupa mukutho Mulluku aallupella wi, “Mi Apwiya kaallupella ngisintha maganizwaaka awi, ‘Weyaano tti mullupa mukutho wa enthawi yoohimalla.’ ”

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

Yakobo 4:5

Muheese wi khamuri yawoona mu mawu a Mulluku awi, “Munepa oyo Mulluku ahiyalleeye mwa hiyaano tti wooddalla ni minkhella ddamasiva.”

Yoswa 21:45

Kheyiivo yaaramille va ddeko ddaphaama ddittheddene nnddo Apwiya yalonjezilliiwa wa Aisraele, ddaheereya ddittheddene.

1 Samuele 15:29

Mulluku antitimiho a Aisraele, khanoottha apaalle osintha maganizo. Vawi olliye khe muthu wi ttuusintha maganizo.”

1 Samuele 3:12

Kineeromullaka Eli ni nibanja naye nittheene moollikana ni mmo kallotilleemi ovenyera vawaamba ophiyera vamamallihello.