Numeri 23:1 - Mawu a Mulluku

¹ Vano Balamu aamulleella Balaki wi, “Mukimakelle makuwa matthanu ni meelli vaava nave mukikhozelle anankhoro a eng'ombe dditthanu ni piilli owaaka anankhoro a enkhosa dditthanu ni piilli.”

Numeri 23:1 Iomraidhean Croise

2 Mamwene 18:22

Enduna ya o Asiriya yaavirellella ollota wi, “Apaalle okilleelle wi munaaroromella Apwiyaanyu. Ethiyo khe mulluku olle mapurwaaye oollapellamo mafano ni makuwaaye Hezekiya addoonongilleeye ni waalleella athu a o Yuda ni a o Yerusalemu wi ellapelleke va nikuwa nimoddave o Yerusalemu?

1 Epilli 15:26

Voopaallani wi Mulluku aakavihere Alevi ootukhulla nibokosinno, athwaayo yaavelleella mukutho wa anankhoro eeng'ombe atthanu ni eelli ni anankhoro eenkhosa atthanu ni eelli.

2 Epilli 29:21

Nave yaawa ni anankhoro eeng'ombe atthanu ni eelli, anankhoro eenkhosa atthanu ni eelli ni anankhoro eepuri atthanu ni eelli wi evelleelle mukutho woopepesellana machimo a nibanja na mwene, enyumba ya Apwiya ni Yuda. Nave olliye ahaalamula allupa mukutho, edduullu dda Aaroni, wi eddivelleelle va nikuwa na Apwiya.

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Ezekiele 45:23

Va mallapo matthanu a ehakallallweeyo, mwene avelleelleke mikutho ddooshellelliha dda anankhoro a eng'ombe atthanu ni eelli, anankhoro a enkhosa atthanu ni eelli ddittheddenennddo ddikhalleke ddoohirakalla. Nirive nllapo aavelleellekettho anankhoro a epuri atthanu ni eelli opepesella machimo.

Numeri 22:41

Osaka wene Balaki aamukusa Balamu ayaana omiyaangoni dda Bamoti Baala nko Balamu aworeeye woona embali emodda ya misasa ddinchichi dda Aisraele.

Numeri 23:2

Balaki aheera moollikana ni mmo amulleellelleeye Balamu. Nave Balaki ni Balamu yaaheraatthi va nirive nikuwa nankhoro mmodda a eng'ombe ni nankhoro mmodda a enkhosa.

Numeri 23:29

Vano Balaki aamulleella Balamu wi, “Mukimakelle makuwa matthanu ni meelli vaava nave mukikhozelle anankhoro a eng'ombe dditthanu ni piilli owaakattho anankhoro a enkhosa dditthanu ni piilli.”

Numeri 23:30

Balaki aheera moollikana ni mmo amulleellelleeye Balamu. Nave Balaki aaheraatthi va nirive nikuwa nankhoro mmodda a eng'ombe ni nankhoro mmodda a enkhosa.

Numeri 29:32

“Va nllapo naneetthanu ni piilli mwaavelleelle anankhoro a asaanaang'ombe atthanu ni eelli, anankhoro a enkhosa piilli, anankhoro a asaanaankhosa khumi ni asese a muyakha mmodda, ddittheddene ddikhalle ddoohirakalla,

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.

1 Samuele 15:22

Koma Samuele aallota wi, “Ethiyo Apwiya enahakallalla ni tini, mukutho wooshellelliha ni mikutho ddimodda, apaalle wiiwellella mawaaye? Wiiwellella ni ovelleella mukutho, waphaama tti wiiwellella. Waapella maaru ni ovelleella makhura a enkhosa, waphaama tti waapella maaru.