Numeri 22:5 - Mawu a Mulluku

⁵ aarumiha othenga owaniwa wa Balamu, mwaana a Beori, o Petori vakhuviru ni muhinje wa Yufurate wi awe nave amulleelle wi, “Athu oovenyera o Iguputo aaddalla ellapo ettheene nave enawehana ni hiyaano.

Numeri 22:5 Iomraidhean Croise

Genesis 13:16

Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.”

Masalimo 105:24

Apwiya yahaakhullella wi athwiiwa yaate, yaatthattusa amasiva waakhwaranya adaniiwa.

Eksodo 10:15

Aahuruwella ellapo ettheene nave ethaya ettheene yaaripa ekaamba ya nazombooyo. Aacha erive ello yoomella muthayani ni ezipaso dda m'miteekhoni ddahoonongiwe ni marallallaalle. Kheyaarivo ello ekitthi yahallille vamuteekhoni apaalle yoomella mu ellapo ettheene ya Iguputo.

Mika 6:5

Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”

Numeri 23:7

Vano Balamu ahaamba ollotella wi, “Balaki mwene a o Mowabu ookiithana ovenyera o Siriya, omiyaangoni dda wookhuma nndduwa wi, ‘Waawoni mumutembelele Yakobo munipuroni mwaka, waawoni mumwaashere Israele ddoonanara.’

Numeri 31:8

Yaawiipha mamwene matthanu a o Midiyani, Evi, Rekemu, Zuri, Huri ni Reba. Yaamwiiphattho ni nsupada Balamu mwaana a Beori.

Deuteronomo 23:4

Alliwaalla kheyuuvahilleni yoocha apaalle maaddi va olendwaanyu woovenyera o Iguputo. Nave yaamwiithaniha Balamu, mwaana a Beori, a o Petori o Mesopotamiya wi uutembeleleni.

Deuteronomo 23:5

Koma Apwiya Mullukwaanyu kheyaamwiiwellelle Balamu nave matembelelwaayo yahaatthattusa madaliso ekaamba ya wuukondani.

Yoswa 13:22

Aisraele yaamwiiphattho ni nsupada Balamu mwaana a Beori, oollohella vamodda ni athu amodda.

Yoswa 24:9

Vano Balaki, mwaana a Zipori, mwene a Amowabu aawana ni nyu Aisraele. Aarumiha othenga amwiithana Balamu mwaana a Beori wi uutembeleleni.

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.

Yawuupullulla 2:14

Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.