Numeri 21:8 - Mawu a Mulluku

⁸ Vano Apwiya yaamulleella Mose wi, “Opange enowa ya mukuwa nave oyitthomeye vamuteekhoni. Arive muthu oyo allumiwe, aweha enoweeyo, aneerokhalla ni okumi.”

Numeri 21:8 Iomraidhean Croise

2 Mamwene 18:4

Ahoononga mapuro oollapellamo mafano, ahaakumulla apoto oopatuleya, ahinttaka mafano a Asherimu. Nave aakotholla enowa ya mukuwa elle ayipangille Mose vawi Aisraele ennayoosella lubani* ophiyera ollello. Nnddina niwa naari Nehushitani.

Masalimo 145:8

Apwiya tti eechifundo ni ooreera murima, oohisha murima mwawaakuva, ooddalla ni echikondi yoohisintheya

Yesaya 14:29

“Nyu Afilisti, muhihakallalle vawoonani wi Aasiriya ayo yaari wonanko ekopo yoowuukuthani aatthollowa. Mu mutundu wa enowa shisha muneerokhuma evilli nave mu mutundu wa evilliiyo muneerokhuma enowa yanttipwi yoothamaka wunchichi.

Yesaya 30:6

Nngu sika ollotella wa dda enama dda mu echipululu yoomwera wi, “Amithenga eneeta mu ellapo yawoopiha mmo muri mikango, evilli ni enowa ddanttipwi ddoovava. Ennaareya abulwiiwa emphaso ddoowallamella mutengo nave eyuumiiwa ennayiwelliha va ekamira* ddiwa oyaana wa mutundu wa athu oyo khowa waakavihera.

Yesaya 45:22

Nyu athu a va ellapo yavatthi, rukunuwellani wa miyaano wi muvulluwe. Valle miyaano sika Mulluku, khaavottho mmodda.

Yohane 3:14

Nave Mose aatthomeya niphwanaphwaniho na enowa vamuteekhoni muchipululuni, emoddamoddave yeeyo mi Mwaana a Muthu kinaphwanella wi kitthomeyiwe vamutandani,