Numeri 21:5 - Mawu a Mulluku

⁵ Athwaalle yahaamba omwiinyullulla Mulluku ni Mose enallota wi, “Kaambiiwa tini mwanikhumihalleenyu mu ellapo ya Iguputo wi nikhwelle muchipululunimmu? Wuno khawuri yoocha naari maaddi nave yoocha yoohikhalla ni muttekweella yoonidduurya.”

Numeri 21:5 Iomraidhean Croise

Masalimo 68:6

Mulluku annaavaha mapuro athu oohalla weekhiiwa ekhallekemo, a mundende annaakhumiha wi ekhalle oottaphulliwa koma oowukila annawiikarella o ethaya yooguga.

Masalimo 78:19

Yaanallota moovaanyihana ni Mulluku wi, “Ethiyo Mulluku ttuuwora onivaha yoocha muchipululunimmu?

Eksodo 14:11

Yaamukoha Mose wi, “Ethiyo tti ekaamba yawi o Iguputo khewaari nipuro na mahame nyuwaano muniphiyihalleenyu o echipululu wuno wi nikhwellewo? Muneerille tini onikhumiha mu Iguputo?

Eksodo 15:24

Nave athwaalle yaakhupanyella wa Mose, emukoha wi, “Ethiyo hiyaano ninaawirye tini?”

Eksodo 16:15

Aisraele yoonilliiwa ddekonnddo, kheyaaddidduwenlle nave yahaamba okohana wi, “Ethiyo ddenndda tti tini?” Mose ahaalleella wi, “Olla tti buledi yuuvahilleni Apwiya wi mumuche.

Eksodo 16:31

Yoocheeyo Aisraele yayiromollille wi mana. Mooneyellwiiwa yaari wonanko miittho a mavilla navettho aweella. Voochani yaddiva wonanko buledi oowaapeyiwa moottakanyihera ni enwi.

Miyambo 27:7

Wavona onnakhoota enwi koma wavolliwa naari yoocha yoowaawa ennanang'aneya.

Ezekiele 20:21

“Koma aniiwattho yaakiwukila. Kheyaathwanre malangizwaaka nave kheyaawiiwellelle malamulwaaka oovaha okumi athu oowiiwellella. Nave yaaripiha mallapwaaka a Sabata. Vano kaaganiza ddoowoonihella owallaaka ni osha murima waka ni owoononga muchipululuni mwemmo.

Numeri 11:20

Muneeroyicha mweeri muttheene ophiyera yuukhumalleni mphunani nave muneerovoriiwana. Ddenndda ddineereweereya ekaamba yawi mohaakhoota Apwiya ayo enakhalla variyari vanyu nave mookhupanya vamiitthoni viwa voollotani wi, ‘Kaambiiwa tini nakhumalleehu o Iguputo?’ ”

Numeri 16:41

Koma osaka wene Aisraele attheene yahaahumullulla Mose ni Aroni wi, “Nyu moowiipha athu a Apwiya.”

Numeri 17:12

Vano Aisraele yaamulleella Mose wi, “Nineerokhwa, nineerotthollowa, nineeroraheya!

1 Akorinto 10:9

Nihimweese Apwiya wonanko amodda a alliwaayo vawi yahiiphiwa ni enowa.