Numeri 21:34 - Mawu a Mulluku

³⁴ Koma Apwiya yaamulleella Mose wi, “Ohinoova. Koomuvelleella m'mattani mwawo vamodda ni athwaaye navettho ellapwaaye. Nave omweerelle nnddo wamweerelleewe Sihoni, mwene a Aamori oyo akhalla o Heshiboni.”

Numeri 21:34 Iomraidhean Croise

2 Samuele 5:19

Vaavo Davide aamukoha Mulluku wi, “Ethiyo kiyeewo kawanena Afilisti? Ethiyo muneerewaavelleella m'mattani mwaka?” Nave Apwiya yaamwaakhulla wi, “Khawe, kineerewaavelleella m'mattani mwawo.”

1 Mamwene 20:13

Enthawi yeeyo namallotella mmodda aawa wa Ahabu, mwene a o Israele, amulleella mawu a Apwiya wi, “Ethiyo onnoona mulloko wakhotoolla? Ngoona, kineerovelleella mullokoolla m'mattani mwawo ollello vaava. Nave oneerodduwella wi mi tti Apwiya.”

1 Mamwene 20:28

Muthu a Mulluku aawa wa Ahabu mwene a o Israele amulleella wi, “Apwiya enallota wi, ‘Vawi Asiriya eni Apwiya tti mulluku a miyaango ohiri a matapo, kineerovelleella mulloko muttheenoolla wa weyaano nave oneerodduwella wi mi tti Apwiya!’ ”

2 Mamwene 3:18

Nave ella tti yooyeva vamiitthoni va Apwiya. Alliwa eneerewaavelleellattho Amowabu m'mattani mwanyu.

Yesaya 41:13

Mi Apwiya Mullukwaawo kinnuuphara nnatta, kinuulleella wi, ‘Ohoopopiheye, kineerewuukavihera.’ ”

Numeri 14:9

Koma muhiwiinyullulle Apwiya. Muhinawoova athu a mwiillaponimmo vawi nineerewaagonjiha. Muhiwoove vawi alliwa khenna owaaseera nave Apwiya eri ni hiyaano.”

Numeri 32:4

ellapo eyo Apwiya yaagonjihelliiwa Aisraele tti yoophwanella ochihawo eng'ombe nave hiyaano oorumeyellaanyu nookhalla ni eng'ombe.

Deuteronomo 2:30

Koma mwene Sihoni olliyeve khaanaakhullenlle wi nivirelle mwiillaponi mwaye. Apwiya Mullukwaanyu yaamummiha nikohi nave amuvaha murima wawumma wi amuvelleelle m'mattani mwahu wonanko munoonellaanyu ollellova.

Deuteronomo 20:3

‘Ngiiwani nyu Aisraele! Ollello munaya mwawane ni adanaanyu. Muhitathille murima nave muhiwoove apaalle waatthukumellella.

Deuteronomo 3:1

“Vano naavirellella ni olendwaahu wooyeella ettilla ya o Bashani. Ogi mwene a o Bashaninko ni athwaaye attheene yaakhuma niwanana ekhoto vakhuviru ni Ederei.

Deuteronomo 3:11

(Ogi sika aari mwene ookomihera a Arefaimu. Nibokosi naye naari namukoko noorekama mamita masese nave nooramballalla mamita meelli voophwanaphwanihella ni muyeso wa mallapo yaayo. Nave nibokosinno ttuunoona o Raba, muzinda wa Aamoni.)”

Deuteronomo 31:6

Khallani amasiva ni oollipa murima. Muhiwoove athu yaalla apaalle otathilla murima kaambiiwa Apwiya Mullukwaanyu eneerewuuhoollellani nave kheyuuhiyani nyookha apaalle wuutathillani.”

Deuteronomo 7:17

“Muhillote m'murimani mwanyu wi athu yaalla ahaata wuukhwaranyani nyuwaano nave wi khemuwora owiikariha.

Deuteronomo 7:18

Muhiwoove alliwa koma muupuwelle nnddo Apwiya Mullukwaanyu yamweerenlliiwa Farao ni athwaaye.

Deuteronomo 7:21

Muhiwoove athu yaalla. Apwiya Mullukwaanyu eri variyari vanyu nave alliwa tti Mulluku muullupalli oophwanella omoova.

Deuteronomo 7:24

Eneerewaavelleella mamwene mattheene m'mattani mwanyu nave muneerowiipha nave khewa yuupuwelleya. Khaavo anaawore wuuhiihani nave muneerowoononga attheene.

Yoswa 10:25

Vano Yoswa ahaalleella oohoollella ekhoto wi, “Muhoove apaalle otathilla murima. Khallani amasiva ni oollipa murima vawi Apwiya eneeroweerella ddenndda adanaanyu attheene.”

Yoswa 10:8

Nave Apwiya yaamulleella Yoswa wi, “Ohiwoove vawi kohaavelleella m'mattani mwawo khaavo naari mmodda oyo anaawore ollipana ni weyaano.”

Yoswa 8:7

Vano mutthupulluwe nko munaawiipittheenyu nave mwaakhe muzindooyo. Apwiya Mullukwaanyu, eneerewuuvahani muzindooyo.

Oweeruza 11:30

Yefita aallupella wa Apwiya wi, “Mwaavelleella Aamonaalla m'mattani mwaka,

1 Samuele 23:4

Vano Davide aavekattho ezeru wa Apwiya nave yaamwaakhulla wi, “Timulla, oye o Keila, kineerewaavelleella Afilistaayo m'mattani mwawo.”