Numeri 21:29 - Mawu a Mulluku

²⁹ Otulli okhalle wa weyaano Mowabu, moonongeye nyu oomullapella Kemoshi. Wohaatthattusa anaaye aallopwana oothawathawa, anaaye aatthiyana akaporo a Sihoni, mwene a Aamori.

Numeri 21:29 Iomraidhean Croise

1 Mamwene 11:33

Kineereweera yeella kaambiiwa Solomoni ookikhoota miyaano, anamullapella Ashitoreti mulluku aamutthiyana a Asidoni, Kemoshi mulluku a Amowabu ni Milikomu mulluku a Aamoni. Sika khaawiiwellelle, khaaweerille nnddo kapaalleemi nave khaasungalle malamulwaaka ni malangizwaaka monga mmo eerella Davide attiitthinnya.

1 Mamwene 11:7

Vano Solomoni aamaka nipuro noollapellamo vamwaangoni wookhuma nndduwa wa Yerusalemu, nipuro noomullapellamo Kemoshi, mulluku oonanaresesa a Amowabu ni noomullapellavo Moleki, mulluku oonanaresesa a Aamoni.

2 Mamwene 23:13

Vatulli viwa mwenooyo ahoonongattho mapuro oollapellamo mafano ayo yaari wookhumella nndduwa wa Yerusalemu, omwera wa mwaango wa Woonongeya. Makuwaayo Solomoni, mwene a o Israele ahaamakella nifano noonanara na Asidoni nooromolliwa Ashitoreti ni na Amowabu nooromolliwa Kemoshi navettho na Aamoni nooromolliwa Milikomu.

Yesaya 15:5

Murimaaka onamwinllella Mowabu. Athwaaye ethawenlle ekhoto o Zowari ni o Egilati Shelishiya. Eneeta yinllaka o mutunda wa o Luhiti, eninlla mookusa murima va musewu wooya o Horonaimu.

Yesaya 16:2

Wonanko mmo epallame ddinavavelliiwa nngu ni nngu ddapallallesiwa mumphuruni, emoddamoddave yeeyo atthiyana a o Mowabu enneeteeta o madoko a muhinje wa Arinoni.

Yeremiya 48:13

Sika Mowabu aneerowulliwa muru ni Kemoshi, mullukwaaye, wonanko mmo Israele awulliwelleeye muru ni Betele, mulluku oyo amuroromelleeye.”

Yeremiya 48:45

Oothawa enniimella va Heshiboni, ekaamba yootopa wunchichi. Koma mallumi amunllo a o Heshiboni, mallumi amunllo oovenyera o enyumba yoomwene Sihoni nave munllooyo onoononga miyaango dda o Mowabu, ellapo ya athu a maraapwa.

Yeremiya 48:46

Otulli, Mowabu! Athu oomullapella Kemoshi aatthollosiwa nave aniiwa attheene aallopwana ni aatthiyana aakusiwa okaporo.

Yeremiya 48:7

“Nyu muneerophariwattho vawi mwaroromella mitteko ddanyu ni eyuumaanyu. Kemoshi, mullukwaanyu, aneerophariwa okaporo ni allupa mukuthwaaye ni enduna ddaye.

Numeri 24:17

Kinooneemi ddiri muhoollo, kinaweheemi ddiri woorekamella. Mwene aneerokhuma mwa Yakobo, wonanko etheneeri aneerokhuma mwa Israele. Aneerewaanyenya oohoollella a Amowabu eneerewaagonjiha athu a Seti.

Oweeruza 11:24

Khallani mu ellapo eyo Kemoshi mullukwaanyu uuvahilleeyeni wi ekhalle yoohallanaanyu. Vano attheene ayo Apwiya Mullukwaahu ewiikarilliiwa vamiitthoni vahu, ddayiwa ddineerokhalla yoohallanaahu.