Numeri 20:6 - Mawu a Mulluku

⁶ Vano Mose ni Aroni yaavenyawo omutthukumanoni wulle eya o mullako wa musasa wamutthukumano emora ekhove nave ntitimiho na Apwiya naawooneyella.

Numeri 20:6 Iomraidhean Croise

1 Epilli 21:16

Vano Davide aatukhulla miitthwaaye nave aamoona mungelo a Apwiya iimenlle variyari va ellapo yavatthi ni ellapo yooddullu. Nave m'mattani mwaye mwaari nsupada anitukhunlle onitthoonyihera o Yerusalemu. Vano Davide ni attekweene amodda yaawara ddoowara dda eziguduli, ewarama ni opopheya ekhove.

Eksodo 16:10

Sika Aroni aallota wa mulloko muttheenoolle nave mullokooyo waarukunuwa oweha o echipululu nave ntitimiho na Apwiya nahooneya m'muraponi moorurumusa.

Eksodo 17:4

Sika Mose aavekella wa Apwiya mookhuwa allota wi, “Ethiyo keerena tini athu yaalla? Alliwaalla ehannlle vang'ono okivokha malluku.”

Numeri 12:5

Apwiya yaakittha m'muraponi yiimella va mullako wa musasa emwiithana Aroni ni Miriyamu nave eellaayo yaasuserawo.

Numeri 14:10

Koma athu attheene yapaalla waavokha malluku. Enthawi yeeyo moorurumusa ntitimiho na Apwiya naawooneyella Aisraele mu musasa wamutthukumano.

Numeri 14:5

Mose ni Aroni yaamora ekhove ddiwa vamiitthoni va mulloko wa Aisraele.

Numeri 16:19

Kora ahaatthukumaniha athu attheene va mullako wa musasa wamutthukumano moowehana ni Mose ni Aroni. Nave ntitimiho na Apwiya nahooneyella wa athu attheenaayo.

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

Numeri 16:4

Mose iiwalle ddenndda aamora ekhove.

Numeri 16:42

Yatthukumanilliiwa wi yaawukile Mose ni Aroni yaarukunuwa enaweha o musasa wamutthukumano. Vano yahoona murapo ohuruwenlle musasooyo nave ntitimiho na Apwiya nahooneya.

Numeri 16:45

“Venyanivoni variyari va mulloko wa athwaalla wi kiwoononge attheene naanweene vaava.” Eellaayo yaamora ekhove ddiwa.

Numeri 20:7

Vano Apwiya yaamulleella Mose wi,

Mateyu 26:39

Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.