Numeri 20:20 - Mawu a Mulluku

²⁰ Koma Aedomu yaawaakhulla wi, “Khaninapaalla, khamuvira.” Aedomu yaakhuma ni mulloko wakhoto muullupalli ni wamasiva wi ewane ni Aisraele.

Numeri 20:20 Iomraidhean Croise

Genesis 27:41

Vano Esau aamwiita Yakobo ekaamba yawi munipuroni mwa olliye, attiitthinnya yaamudalisa Yakobo. Nave m'murimanimurimani aallota wi, “Enthawi yawinlla okhwa wa attiitthaaka eri vakhuviru, vatulli viwa kineeromwiipha Yakoboolla.”

Genesis 32:6

Amithengaayo ehokollweelle wa Yakobo, yaallota wi, “Naaya wa mwanamunninyu Esau nave animawa wi akumane ni nyuwaano ari ni athu 400.”

Masalimo 120:7

Mi kinnapaalla murendelle koma kallota dda murendelle, alliwa enapaalla ekhoto.

Amosi 1:11

Apwiya enallota wi, “Ekaamba ya ddoolakwa ddiraru dda Edomu apaalle ddisese, ngihiya omullaka. Yaawiikariha Aisraele, abaliiwa, masupada eri m'mattani, kheyaawaamorelle ethakaraka naari vang'ono, owalliiwa waari woohikhalla ni malire nave yaawumakellella m'murimani.

Numeri 20:18

Koma Aedomu yahaakhulla wi, “Muhinavirella wuno wi nihuuhomeni ni nsupada.”

Numeri 20:21

Sika Edomu aakhoota wi Aisraele evirelle echigawiiwa. Vano Aisraele yaavirella ettilla emodda.

Oweeruza 11:17

Enthawi yeeyo Aisraele yaarumiha othenga wa mwene a o Edomu emulleella wi, ‘Pepaani munaakhullelle wi niweelle mu ellapwaanyu.’ Koma mwene a o Edomu khaapaallille wiiwa ddennddo. Aarumiha othenga mmodda wa mwene a o Mowabu, olliyettho khaawaakhullenlle ddennddo. Sika Aisraele yaakhalla o Kadeshi.

Oweeruza 11:20

Koma Sihoni khaawaaroromenlle Aisraele wi eweelle mu ellapwaaye. Vano Sihoni ahaatthukumaniha akhotwaaye, etthipella misasa ddiwa ddakhoto o Yahazi ewana ekhoto ni Aisraele.