Numeri 20:12 - Mawu a Mulluku

¹² Apwiya yaamulleella Mose ni Aroni wi, “Vawi khamwaakikhulupilinle nave khamoonihalle vamiitthoni va Aisraele wi miyaano tti aweella, khamwaavollochiha athwaalla mu ellapo eyo kaavahilleemi.”

Numeri 20:12 Iomraidhean Croise

2 Epilli 20:20

Vano yaavenya ohinase eya yavollowa mu echipululu ya o Tekowa. Yakhumamwiiwa Yehoshafati ahiimella allota wi, “Nyu athu a o Yuda ni a mu Yerusalemu, apelleni maaru! Aroromelleni Apwiya Mullukwaanyu nave muneerokhalla ni masiva. Aroromelleni anamallotella nave muneeropambana.”

Masalimo 106:32

Athwaayo yaahaashihattho murima Apwiya omaaddini a Meriba, ddeko kheddaamweetenlle phaama Mose ekaamba ya athwaayo.

Masalimo 99:8

Nyu Apwiya Mullukwaahu, mwaanawaakhulla, mwaari Mulluku owaakhululukella, koma oollaka mitteko ddiwa ddoonanara.

Yesaya 7:9

Ellapo ya Efuremu enaroromella muzindiiwa muullupalli wa Samariya nave Samariya anamuroromella mwenaaye Peka. Mwaahillipa mu echikhulupililwaanyu, khamukeraattheya.”

Yesaya 8:13

Koma Apwiya Amasiva Mattheene muweeseke aweella nave oophwanella owoova ni waatthukumellella

Ezekiele 20:41

Kineerowaakhellani wonanko nthuko naphaama vawuukhumihani variyari va athu a mitundu ddimodda ni wuutthukumanihani ovenyera o ellapo nnddo mwapallalleyelleenyu. Vaavo kineerewooniha weella waka va nyuwaano nave mitundu ddimodda ddineerewoona.

Ezekiele 36:23

Kineeronooniha nnddina naka nuullupalli wi tti naweella, nno nakhanlle nivevulliwaka variyari va mitundu ddimodda. Vano mitundu ddimodda ddadduwella wi kohooniha weella wa nnddina naka mwa nyuwaano eneerodduwella wi mi tti Apwiya. Mi Apwiya Mulluku koollota.

Ezekiele 38:10

“Mi Apwiya Mulluku kinallota wi, ‘Va nllapo nenno m'murimani mwawo muneeroowa maganizo oopaalla okhozekella weera ddoonanara.’

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Numeri 11:15

Vanothi mwaapaallaka okeerella echifundo tti waphaama wi mukiiphe ohiyana wi koone ddoohoosannddo.”

Numeri 20:24

“Aroni khavollowa mwiillaponi eyo kinaavaheemi Aisraele. Aneerokhwa ekaamba yawi eelliinenyu khamwiiwellelle lamulo naka omaaddini a o Meriba.

Numeri 27:14

Vawi khamwiiwellelle mawaaka mu echipululu ya Zini va enthawi eyo mulloko wuuwukilalleewani o maaddi a Meriba, mwahoonihalleenyu vamiitthoni viwa wi miyaano tti aweella.” Yaalla tti maaddi a neetuutu a Meriba o Kadeshi mu echipululu ya Zini.

Mateyu 17:17

Yesu ahaakhulla wi, “Nyu athu a mbado woohikhulupililoolla ni woonanara! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Mateyu 17:20

Yesu ahaakhulla wi, “Tti ekaamba yawi echikhulupilwaanyu tti yooyeva. Ddawoona, kinimuulleellani wi mwakhalla ni echikhulupililo yooyeva wonanko mmiddo wa masitadi, ttuuwora ollota wa mwaango wi, ‘Susavo mva oye valle!’ Mwaangooyo oneerosusa. Kheyiivo enaalepheliwe weeriwa ni nyuwaano.”

Luka 1:20

Vano weyaano khawaawukhulupililalle othengaakoolla, oyo onaakwakhwanihiwe va enthawi yaphaama. Sika oneerollakallakeya nave khoworaka ollota, ophiyera nllapo nno yoollotiweeyo eneeriiwa yeereye.”

Luka 1:45

Oodalisiwa tti weyaano kaambiiwa waakhulupilila ddallotille Apwiya wi ddineereweereya!”

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Aroma 4:20

Khaahiyalle echikhulupilwaaye nave khaattikhinalle dda lonjezo na Mulluku. Echikhulupilwaaye yaamuvaha masiva manchichi nave aamutitimiha Mulluku.

Deuteronomo 1:37

Apwiya yaakishella murima miyaanottho ekaamba ya nyuwaano nave yaallota wi, ‘Naarittho weyaano Mose khovollowa mwiillaponimmo

Deuteronomo 34:4

Vano Apwiya yaamulleella Mose wi, “Ella sika ellapo elle kallupenlleemi wa Abrahamu, Isaki ni Yakobo wi kineerovaha edduullu ddiwa. Koowaakhullella wi woone koma ngiwaakhullella ovollowamo.”

Deuteronomo 4:21

Apwiya yaakishella murima ekaamba ya nyuwaano. Nave yaallupella wi ngillapuwa muhinje wa Yordani wi kavollowe mu ellapo yaphaama eyo enuuvahiiwani wonanko yoohallanaanyu.

Yoswa 1:2

“Mose oorumeyellaaka ookhwa. Vano, khozeka weyaano ni Aisraele attheenaalla, mullapuwe muhinje wa Yordani nave muvollowe mu ellapo eyo kinaawaavaheemi Aisraele.

1 Petro 3:15

Koma mumuvaheke olemu Khrisitu m'mirimani mwanyu nave mumutitimiheke wonanko Apwiya. Enthawi ddittheddene mukhalleke ookhozeka omwaakhulla arive muthu anuukohani wi mutthopoolle otiyerella wa echikhulupililwaanyu.