Numeri 20:10 - Mawu a Mulluku

¹⁰ Vano Mose ni Aroni yaatthukumaniha athu attheene onllukuni wulle aalleella wi, “Ngiiwani athu oowukilanyu. Ethiyo munapaalla wi nuukhumihelleni maaddi ovenyera munllukunimmu?”

Numeri 20:10 Iomraidhean Croise

Genesis 40:8

Alliwaayo yaamwaakhulla wi, “Eellihi naalloha mahiiyu evirallaalla nave vano khaavo naari mmodda oyo anawora onittaphullella ddoollohannddo.” Vaavo Yosefe ahaalleella wi, “Tti Mullukuve oyo anavaha ezeru ddoottaphullella olloha. Ngakilleelleni mullohillaanyunnddo.”

Genesis 41:16

Yosefe ahaakhulla wi, “Khe miyaano iyaayi koma Mulluku sika anaawore waattaphullella phaama amwene ddoollohanndda.”

Masalimo 78:16

Aatthalla mitthipidda mu nlluku, aheetiha maaddi wonanko mihinje.

Eksodo 17:6

Miyaano kinaakhalle vahoollo vawo vanllukuni vamwaangoni wa Horebu. Wawashulle nllukunno nave munllukunimmo muneerokhuma maaddi wi athwaayo ewirye.” Mose aheera ddennddo vamiitthoni va oohoollella a Aisraele.

Numeri 20:24

“Aroni khavollowa mwiillaponi eyo kinaavaheemi Aisraele. Aneerokhwa ekaamba yawi eelliinenyu khamwiiwellelle lamulo naka omaaddini a o Meriba.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

1 Akorinto 3:7

Oomidda naari oohellella maaddi tti oohipaalleya. Tti Mulluku ari oopaalleya kaambiiwa anneeriha ddoomellannddo wi ddunnuwe.

Aefeso 4:26

Mwasha murima, osha murima wanyunko ohuuchimwiheni nave nndduwa nihivollowe muri oosha murima.

Deuteronomo 9:24

Mookhalla mwaawukilaka Apwiya ovenyera nllapo nno kuudduwenlleemini.

Yakobo 3:2

Attheene ninnachimwa va ddeko ddinchichi. Koma muthu ahinachimwa voollotani, yooyo tti aphaama wunchichi navettho annawora wiihiiha mwiillaaye muttheene.