Numeri 20:1 - Mawu a Mulluku

¹ Aisraele attheene yaaphiya o echipululu ya Zini va mweeri wawaamba. Nave athwaayo yaakeraattheya o Kadeshi. Miriyamu aakhwella ni ovitthiwa wenko.

Numeri 20:1 Iomraidhean Croise

Genesis 14:7

Nave yaarukunuwa ephiya o Enimishipati (apaalle Kadeshi) nave yaagonjiha ellapo ettheene ya Aamaleke ni ya Aamori ayo yakhalla o Hazazoni Tamara.

Masalimo 29:8

Mawu a Apwiya ennatikha nihaka, Apwiya ennatikha echipululu ya Kadeshi.

Eksodo 15:20

Vano Miriyamu, namallotella aamutthiyana, murokoriye a Aroni, aamukusa maasa nave atthiyana attheene yaamuthwara vatulli ewiipaka amaasiiwa, yiinaka.

Eksodo 2:4

Nave murokoriye a mwaanooyo ahiimella vakhuviru anawehesesa wi oone nnddo ddinaamweereyelle.

Eksodo 2:7

Vano murokoriye a mwaanooyo aaya amukoha wi, “Apaalle kawiithanelleni mutthiyana a Eheberi wi awaamwihellekeni mwaanoolla?”

Ezekiele 47:19

Malire a omwera eweelle o Tamara ophiya o nthiya na Meriboti Kadeshi. Ovenyera wenko ethware malire a o Iguputo ophiya o Enyanja Yuullupalli. Yeella sika embali ya omwera.

Mika 6:4

Valle kahuukhumihani o Iguputo ni owoopollani o ellapo yookaporo. Kaamurumiha Mose wa nyuwaano owaaka Aroni ni Miriyamu wi yuuhoollelleni.

Numeri 12:1

Miriyamu ni Aroni yahaamba omullota Mose ekaamba ya mutthiyana a o Kushi amutthellilleeye vawi aamutthella mutthiyana a o Kushi.

Numeri 12:10

Murapooyo ovenyillevo vaddullu va musasa, Miriyamu moorurumusa aakhalla ni makate awi puu wonanko ntuura. Nave Aroni arukunuwalle aamoona Miriyamu ari ni makate.

Numeri 12:15

Sika yaamuwallella otte wa misasa mallapo matthanu ni meelli. Nave athu kheyaatimullalle ophiyera emuvollochihalle Miriyamu.

Numeri 13:21

Sika yaaya yazonda ellapweeyo waambeella o echipululu ya Zini ophiya o echipululu ya Rehobu vakhuviru ni voovollowella mu Hamati.

Numeri 13:26

Yaaphiya wa Mose ni Aroni ni Aisraele attheene o Kadeshi, echipululu ya Parani. Yahaatthopoollella dda olendwiiwa ewoonihella ezipaso dda ellapweeyo.

Numeri 20:16

Nikhuwenlle wa Apwiya yaaniiwa, emurumiha mungelo oyo anikhumihalle mu ellapo ya Iguputo. Vano niri wuno o Kadeshi, muzinda oyo ori m'malireni ni echigawaanyu.

Numeri 20:22

Vano Aisraele attheene yaatimulla o Kadeshi yaphiya o mwaango wa Horo.

Numeri 20:28

Nave Mose aamurulla Aroni ddoowara ddaye dda omukutho, amuwariha Eleazara. Nave Aroni aakhwella vamwaangonimvo. Vano Mose ni Eleazara yaakittha m'mwaangonimmo.

Numeri 26:59

Mwaara a Amuramu aari Yokebedi mwaana a Levi oyo ayarelliwe o Iguputo. Yokebedooyo aamuyarella Amuramu anamwani eelli, Aroni ni Mose owaaka Miriyamu, murokoriwa.

Numeri 27:14

Vawi khamwiiwellelle mawaaka mu echipululu ya Zini va enthawi eyo mulloko wuuwukilalleewani o maaddi a Meriba, mwahoonihalleenyu vamiitthoni viwa wi miyaano tti aweella.” Yaalla tti maaddi a neetuutu a Meriba o Kadeshi mu echipululu ya Zini.

Numeri 33:36

Etimullalle o Eziyoni Gebere yaatthipella misasa ddiwa o echipululu ya Zini sika wi, Kadeshi.

Deuteronomo 1:46

“Sika naakhalla mu Kadeshi mallapo manchichi.”

Deuteronomo 2:14

Nave enthawi eyo nallapuwalleehu muhinjooyo vaari viviralle khalle miyakha 38 ovenyera mvo navenyilleehu o Kadeshi Baranea. Akhoto attheene yaari ekhwille moollikana ni mmo Apwiya yallupellelliiwa.

Deuteronomo 32:51

Ekaambiiwa tti yawi eelliinenyu khamwaaroromenlle wa miyaano vamiitthoni va Aisraele. Mwaariinyu o maaddi a Meriba, vakhuviru ni Kadeshi, mu echipululu ya Zini, khamoonihalle vamiitthoni va Aisraele wi miyaano tti aweella.

Oweeruza 11:16

Koma Aisraele yavenyeriiwa o Iguputo yaweelle muchipululuni yaphiya o Enyanja Yoofiira yaphiyattho o Kadeshi.