Numeri 19:4 - Mawu a Mulluku

⁴ Vano Eleazara atthaveye eyaallaaye mu nikhame na eng'ombeeyo. Nave amidde nikhamenno owiitthoni wa musasa wamutthukumano olendo otthanu ni opiilli.

Numeri 19:4 Iomraidhean Croise

Levitiko 16:14

Vatulli viwa akuse nikhame nimodda na eng'ombeeyo, amidde ni eyaallaaye va yookhuneella ya nibokosi na echipangano embali ya wookhuma nndduwa. Navettho amidde nikhame otthanu ni opiilli ni eyaallaaye vatthi vahoollo va yookhuneelleeyo.

Levitiko 16:19

Amidde nikhame nimodda vaddullu va nikuwanno ni eyaallaaye otthanu ni opiilli wi anipatule ni oneelliha voovenyihani oripihiwa wa Aisraele.”

Levitiko 4:17

Mullupa mukutho muullupallooyo atthaveye eyaallaaye munikhamenimmo nave amidde nikhamenno otthanu ni opiilli vamiitthoni va Apwiya vahoollo va ekatani.

Levitiko 4:6

Vano atthaveye eyaallaaye munikhameni nave amidde nikhamenno otthanu ni wiilli vamiitthoni va Apwiya vahoollo va ekatani ya nipuro naweellesesa.

Aheberi 12:24

Moophiya wa Yesu namunkhoswe a echipangano yanaanweene nave moophiya o nikhame noomiddiwa nno ninalonjeza ddeko ddaphaama ohiyana ni na Abele neerelliiwa.

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.