Numeri 19:19 - Mawu a Mulluku

¹⁹ Muthu oohiripihiwoolle amumidde maaddi muthu ooripihiwooyo va nllapo na naneeraru ni va nllapo naneetthanu ni piilli. Nave ooripihiwooyo achape ddoowara ddaye, ahape nave misikuwa aneerokhalla aweellihiwa.

Numeri 19:19 Iomraidhean Croise

Genesis 2:2

Va nllapo naneetthanu ni nimodda, Mulluku aamalliha mitteko ddaye ddittheddene aphareeye nave ahiithuuwa nllapo naneetthanu ni piilli.

Eksodo 19:10

Apwiya yaamulleella Mose wi, “Khawe wa athwaayo waalleelle wi eddeellihe ollello ni osiisello. Echape ddoowara ddiwa,

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Levitiko 14:7

Vano mullupa mukutho amidde otthanu ni opiilli va muthu oyo anaaka eellihiwe makataayo. Amweera oovoriiwooyo wi oheellihiwa, ayihiye epallame evaveke.

Levitiko 14:9

Va nllapo nookomihera, acheme meehaaye mattheene omuruni waye. Achemettho ereru ni ekwikwi ddene ni meehaaye mattheene. Vatulli viwa achape ddoowara ddaye nave ahape sika eeddiiddo aneerokhalla aweellihiwa.

Numeri 19:12

Ahape ni maaddi aweellihellaalle va nllapo naneeraru ni naneetthanu ni piilli nave aneeroweellihiwa. Koma aahihapa va nllapo naneeraru ni va nllapo naneetthanu ni piilli, kheella.

Numeri 19:13

Oyo anaattannye mutembo nave aahiddeelliha, muthu yooyo anaripiha musasa wa Apwiya, sika aneerovenyihiwa variyari va Aisraele. Aneerokhallave ooripihiwa ekaamba yawi khamiddiwe maaddi aweellihella.

Numeri 19:18

Vano muthu oohiripihiwa akuse nikukhu na hisope nave aruweye m'maaddini mulle amidde maaddaayo vamusasani, va ezipangizo ddaye ddittheddene, va athu ayo yaari mwemmo nave va muthu oyo aattannyille nikhuva na muthu ookhwa apaalle muthu iiphiwe apaalle muthu ookhwa yeekha apaallettho nihame.

Numeri 31:19

Vano arive muthu mwa nyuwaano oyo amwiiphalle muthu apaalle aattannyille mutembo, akhalle otte wa misasa mallapo matthanu ni meelli. Nave va nllapo naneeraru ni va nllapo naneetthanu ni piilli muddeellihe nyuwaano ni akaporwaanyu.

Numeri 31:24

Muchape ddoowara ddanyu va nllapo naneetthanu ni piilli nave muneereweellihiwa nave vatulli viwa muneerewaakhullelliwa ovollowa m'misasani.”

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

Yuda 1:23

Nave mwaavulluse amodda voowaakihani ovenyera omunlloni nave muweerelleke echifundo amoddattho koma muchenjere nave mwiitaneke ni yoowariiwa yooripihiwa ni machimo.