Numeri 19:18 - Mawu a Mulluku

¹⁸ Vano muthu oohiripihiwa akuse nikukhu na hisope nave aruweye m'maaddini mulle amidde maaddaayo vamusasani, va ezipangizo ddaye ddittheddene, va athu ayo yaari mwemmo nave va muthu oyo aattannyille nikhuva na muthu ookhwa apaalle muthu iiphiwe apaalle muthu ookhwa yeekha apaallettho nihame.

Numeri 19:18 Iomraidhean Croise

Masalimo 51:7

Keelliheni ni hisope* o machimwaaka nave kineereweella, kihapiheni nave kineereweellesesa okhwaranya nthoche.

Masalimo 51:9

Muhinaweha machimwaaka, muvuhellelle ddoonanara ddaka.

Yesaya 52:15

Emoddamoddavettho athu a mitundu ddittheddene eneerottikhina, naari mamwene eneerorama yoollota, vawi ddeko ehinalleelliwekiiwa eneeroddoona, ddeko ehiniiwekiiwa eneeroddiiwesesa.”

Numeri 19:17

“Ekaamba ya muthu ooripihiwooyo ekuse ntuura na mukutho wooshellelliha woopepesella machimo ehelle mwiipallini nave yoonjereremo maaddi aphaama a nllapo nenno.

Numeri 19:19

Muthu oohiripihiwoolle amumidde maaddi muthu ooripihiwooyo va nllapo na naneeraru ni va nllapo naneetthanu ni piilli. Nave ooripihiwooyo achape ddoowara ddaye, ahape nave misikuwa aneerokhalla aweellihiwa.

Numeri 19:9

Muthu oyo ari oohiripihiwa sika anaawolle ntuura na eng'ombeeyo nave anihiye otte wa musasa va nipuro noopatuleya. Esungelle ntuuranno Aisraele wi ephariheke mutteko m'maaddini aweellihella. Mutetho yoolla tti woovenyihella machimo.

Yohane 17:17

Weelliheni yaayo oweella mu masiva a yawoona; mawaanyu tti yawoona.

Yohane 17:19

Nave ekaamba ya alliwaayo kinnaddeelliha meekhaaka wi kiivelleelle wa nyuwaano. Sika yaayottho yakhalle ooddeelliha ni wiivelleella wa nyuwaano mwawoona.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Aheberi 9:14

Koma Khrisitu khaarina machimo nave ahiiheraatthi yeekhaaye wonanko mukutho mwa Munepa woohimalla. Ella sika ekaambiiwa nikhame naye niriiwa ni masiva manchichi oorukunusa murimaahu woochimwa okhalla waphaama wi niheereke ddeko nnddo ddinaanihoollelle wookhwa koma wi niwore omurumeyella Mulluku Ookumi.

Aheberi 9:19

Mose ahaalleella athu ddittheddene nnddo malamulo yallotiiwa wi yeereke. Vano aaphariha mutteko mapururu oofiira oomakellelliwa o ekopo ya hisope* wi aamidde athwaalle owaaka nibukhu na malamulonne nikhame na eng'ombe ni na epuri owaaka maaddi.