Numeri 19:17 - Mawu a Mulluku

¹⁷ “Ekaamba ya muthu ooripihiwooyo ekuse ntuura na mukutho wooshellelliha woopepesella machimo ehelle mwiipallini nave yoonjereremo maaddi aphaama a nllapo nenno.

Numeri 19:17 Iomraidhean Croise

Genesis 26:19

Akaporo a Isaki yaakata ehime o ntapo nave yaamuphwanya neetuutu.

Nchipo na Solomoni 4:15

Tti wonanko neetuutu oohellella emata, wonanko ehime ya maaddi ookumi, wonanko mihinje dda maaddi dda o Lebanoni. Namwalli

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Numeri 19:18

Vano muthu oohiripihiwa akuse nikukhu na hisope nave aruweye m'maaddini mulle amidde maaddaayo vamusasani, va ezipangizo ddaye ddittheddene, va athu ayo yaari mwemmo nave va muthu oyo aattannyille nikhuva na muthu ookhwa apaalle muthu iiphiwe apaalle muthu ookhwa yeekha apaallettho nihame.

Numeri 19:9

Muthu oyo ari oohiripihiwa sika anaawolle ntuura na eng'ombeeyo nave anihiye otte wa musasa va nipuro noopatuleya. Esungelle ntuuranno Aisraele wi ephariheke mutteko m'maaddini aweellihella. Mutetho yoolla tti woovenyihella machimo.

Numeri 31:23

ddittheddene nnddo ddinaakhullella munllo, muddihiye viikho nave ddineereweellihiwa. Komave weellihiwettho ni maaddi aweellihella. Navettho erive ello eyo ehinaakhullella munllo, muyiruweye m'maaddini yaayo.

Yohane 7:38

Nave muthu anakikhulupilila miyaano awirye wonanko mmo mawu a Mulluku enallotiiwa wi, ‘Mihinje dda maaddi ookumi ddineerokhuma ovenyera mwa muthu yooyo.’ ”

Aheberi 9:13

Moollikana ni malamulo a Mose, athu oochimwa kheyaakhullelliwa omullapella Mulluku. Yeeriwa aweella yamiddiwa nikhame na epuri ni na eng'ombe owaaka ntuura na mwaana a eng'ombe yooheraatthiwa mukutho.

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”