Numeri 18:8 - Mawu a Mulluku

⁸ Apwiya yaamulleellattho Aroni wi, “Va ddoovelleella wa miyaano, kohuuvaha ddoohalla onasungeewe nnddo Aisraele enapatullelliiwa wa miyaano. Kohuuvaha ddenndda wi ddikhalle echigawaawo ni ya anaawo wi ddikhalle ddaanyu wa enthawi yoohimalla.

Numeri 18:8 Iomraidhean Croise

2 Mamwene 12:16

Makobiri oollivella mukutho wa mullatu navettho makobiri oollivella mikutho ddoopepesella machimo kheyaavokha mu nibokosi na mu enyumba ya Apwiya koma yaari a allupa mukutho.

2 Epilli 31:4

Mwene ahaalamula athu a o Yerusalemu wi evelleelleke ddeko ddawaaphwanella allupa mukutho ni Alevi wi vaweerani ddiiddo alliwattho yiivelleelleke o lamulo na Apwiya.

2 Epilli 31:5

Othenga wa mwene ollalleyiwe virive veko, Aisraele yaavelleella ddeko ddinchichi ddawaamba ohatiwa dda tirigu, vinyo, makhura enwi ni ddittheddene dda m'matani. Nave yaawaanattho ddaneekhumi ddawaata dda erive ello.

Eksodo 28:43

Aroni ni anaaye ewareke ddenndda enthawi ddittheddene yaayaaka o musasa wamutthukumano apaalle onikuwani wookirumeyella onipuroni naweella woova wi enaachimwe ni okhwa. Lamulo nenna noollota dda Aroni ni edduullu ddaye nikhalle lamulo wa enthawi yoohimalla.

Eksodo 29:21

Okuse nikhame noohalla va nikuwa navettho makhura mamodda oozozella, ommidde Aroni ni ddoowara ddaye. Waamiddettho anaaye ni ddoowara ddiwa. Sika olliyooyo ni anaaye enaakhalle oopatuleya ni ddoowarannddo.

Eksodo 29:28

Aisraele yavelleella mikutho ddeeyaattano, ddenndda ddikhalle dda Aroni ni anaaye enthawi ddittheddene vawi tti ddoovelleella dda Aisraele wa Apwiya.

Eksodo 29:29

“Ddoowara ddoopatuleya dda mukutho dda Aroni ddikhalle dda edduullu ddaye olliyooyo akhwa wi edduullunnddo ddiwareke ddaazoziwaka ni waakhella odindwiiwa.

Eksodo 40:13

Aronooyo omuwarihe ddoowara ddoopatuleya nave omuzoze ni omupatula wi ekhalle mullupa mukutho.

Eksodo 40:15

Vano waazoze wonanko mmo waazozilleewe attiitthiiwa wi ekhalle allupa mukutho. Nave waamakellettho malaamba muyuununi mwiwa ni waawarihattho enduwira omuruni mwawi alliwaalla eneerokhalla allupa mukuthwaaka moollikana ni lamulo naka noohimalla. Mmu sika onaamuzozelleewe Aroni ni anaaye.”

Yesaya 10:27

Nllapo nenno kineerewuurullani katundu a Aasiriya va mathurini vanyu ni nigoli* niwa munikohini mwanyu nave nigolinno nineerewunttakeya ekaamba ya oneneva.”

Levitiko 21:10

“Muthu oyo ari mullupa mukutho muullupalli oyo yamuzozilliiwa ni makhura navettho oyo apatuliwe wi aware ddoowara dda ddoopatuleya ahikhalle oohipesa apaalle waahulla ddoowara ddaye wooniha ethakaraka.

Levitiko 23:20

Mullupa mukutho amutukhullelle muddullu buledi a ddoohata ddawaamba ni a anankhoro a enkhosa eellaalle wa Apwiya. Mikutho ddenndda tti ddoopatuleya wa Apwiya nave tti dda allupa mukutho.

Levitiko 6:16

Vano ddoohalla dda mukuthooyo ddikhalle dda Aroni ni anaaye. Ddikhalle ddoohikhalla ni yisiti nave eddiche vanipuroni noopatuleya sika wi vanthatoni na musasa wamutthukumano.

Levitiko 6:18

Edduullu ddittheddene dda Aroni ddicheke dda mukutho wawoosiwa viikho ddoovelleelliwa wa Apwiya wonanko mmo ddalembelliwiiwa wi ddikhalleke ddiiddo enthawi ddittheddene wa mibado ddittheddene. Erive ello eyo enaattannye nikuwanno eneerewoonongiwa ekaamba ya masiva a weella wa nikuwanno.”

Levitiko 6:20

“Mukutho oyo Aroni ni anaaye enaphwanelliiwa ovelleella wa Apwiya ovenyera va nllapo nno mullupa mukutho anazoziweeye, avelleelleke nllapo ni nllapo othu waphaama wookwakhwana nikilogaramu nimodda wonanko mukutho wa othu. Awuvelleelleke hafu ohinase hafu misikuwa.

Levitiko 6:26

Mullupa mukutho oyo anaayiheraatthi enameeyo, ache enameeyo vanipuroni noopatuleya sika wi vanthatoni na musasa wamutthukumano.

Levitiko 7:14

Vatulli viwa akusewo mwitthi mmodda va orive mutundu wa buledi wi okhalle yoovelleella yoopatuleya yoovelleella wa Apwiya. Mwitthi yooyo tti wa mullupa mukutho oyo anaawiithe moowaapheella nikuwa, nikhame na mukutho wa eyaattano.

Levitiko 7:28

Apwiya yaallota ni Mose wi

Levitiko 7:6

Arive mullopwana a mwa allupa mukutho ttuuchana. Ayichelle vanipuroni naweella. Yooyo tti mukutho waweella wunchichi.

Levitiko 8:30

Vano Mose aakusa makhura oozozellaalle ni nikhame nno naari vanikuwani, ammidda Aroni ni ddoowara ddaye navettho anaayaalle ni ddoowara ddiwa. Mmu tti mmo Mose amweellihelleeye Aroni ni ddoowara ddaye navettho anaaye ni ddoowara ddiwa.

Numeri 18:9

Mwa ddoovelleella ddaweellesesa wonanko mukutho wa othu, mukutho woopepesella machimo ni mukutho woolliva nnddo ehidoosilliiwa vanikuwani ddikhalle ddaawo ni anaawo.

Numeri 5:9

Nave ddoovelleella ddittheddene ddoopatuleya dda Aisraele nnddo enawaaniiwa wa mullupa mukutho ddikhalle ddaye.

1 Akorinto 9:13

Khamunadduwella wi athu enaphara mutteko mu enyumba ya Mulluku enaphwanya yoocha ovenyera mu enyumba ya Mulluku yeeyo nave allupa mukutho enaakhellana dda mukuthooyo.

Deuteronomo 12:11

Sika Apwiya eneerotthoolla nipuro noollapellavo wi ekeraatthihevo nnddina niwa nave muneerekowaana wenko ddittheddene kuulamulalleemini monga mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella ddoohiwatiheriwa navettho ddoovelleella ddanyu ddoollupella.

Deuteronomo 12:6

wi mwavelleelleke mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella dda opaalla wanyu, ddoovelleella ddoollupella, emphaso ddanyu ni ddoovelleella dda anamwani awaamba a eziweto.

Deuteronomo 18:1

Allupa mukutho Aalevi, nlloko nittheene na Levi, ehaakhelle yoohallana variyari va Aisraele. Alliwa echeke ddoovelleella ni mikutho dda Apwiya.

Deuteronomo 26:13

mullote wa Apwiya wi, ‘Kheyiiwo naari emodda yoovelleella yaneekhumi eyo ehanlle mpa mwaka. Ddittheddene koovelleella wa Alevi, alleto, akhwaadduni ni anamukhwelle moollikana ni mmo mwakilamulelleenyu. Ngaavevullalle apaalle otiwallavo malamulwaanyu naari nimodda.

Aheberi 1:9

Munnakonda echilungamo nave munniitana ni ddoonanara. Miyaano Mullukwaanyu kuutthoonlleni ekaamba ya yeella nave kohuuriihani vawuuvahani ehakallallo yuullupalli ohiyana ni eyo kaavahilleemi akhwiinyu.”

1 Yohane 2:20

Nave nyuwaano mwaakhalla ni Munepa Waweella woohelliwa va nyuwaano ni Khrisitu sika attheenenyu munnadduwella yawoona.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.