Numeri 18:5 - Mawu a Mulluku

⁵ Nave muneerekorumeyella mu nipuro naweella ni va nikuwa wi Apwiya ehaashellettho murima Aisraele.

Numeri 18:5 Iomraidhean Croise

1 Epilli 23:24

Alla sika yaari anamwani a Levi moollikana ni oohoollella a mabanja a makhollwiiwa moollikana ni mmo yalembelelliiwa. Yathwara echiwerengero ya manddina a athu waambeella a miyakha 20 oya muhoollo ayo yaphwanella orumeyella o enyumba ya Apwiya.

1 Epilli 23:32

Mwawi eneerekowehera enyumba ya Apwiya. Nave eneerekewaakavihera anamwani a Aroni, abaliiwa vawaarumeyellani mwemmo.”

1 Epilli 24:5

Yaatthoollille mwawoombesa moohiweha ekhove vawi vaakhalla oorumeyella a o nipuro noopatuleya ni oohoollella a Mulluku variyari va edduullu dda Eleazara navettho variyari va edduullu dda Itamara.

1 Epilli 9:19

Nave Shalumu, mwaana a Kore, mwaana a Ebiyasafu, mwaana a Kora ni abalaaye a o nibanja na makhollwaaye, yawehera va mullako wa musasa wamutthukumano, monga yeerella makhollwiiwa va mullako wa musasa wa Apwiya.

1 Epilli 9:23

Mwawi alliwa ni edduullu ddiwa yawehera ni owehera va millako dda enyumba ya Apwiya monga yeerelliiwa o musasa wamutthukumanoolle.

1 Epilli 9:33

Nave attekweene amodda a Alevi yaawehera athu awiipa machipo mu enyumba ya Apwiya. Alliwa yakhalla mu ezipinda mu enyumba ya Apwiya, oohaatelliwa ni mitteko ddimodda vawi yaphara mutteko ni mahiiyweene.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Yeremiya 23:15

Ekaamba ya ddenndda, voollotani dda anamallotella yaalla, Apwiya Amasiva Mattheene enallota wi, “Kineerewaachiha ddoomella ddoowaawa ni waawiryiha maaddi anttipwi ekaamba ya ddoonanara dda anamallotella a o Yerusalemu ddiddanlle ellapo ettheeneella.”

Ezekiele 44:15

Koma allupa mukutho a nlloko na Alevi a nibanja na Zadoki, ayo yaroromelleye va mitteko ddoopwatha nipuro naweella enthawi eyo Aisraele yahollowilliiwa ni okihiya miyaano yaayove eneekewaatamella wa miyaano wi ekirumeyelleke. Eneeroowa wa miyaano wi eheraatthi mukutho wa makhura ni wa nikhame. Mi Apwiya Mulluku koollota.

Ezekiele 44:16

Yaayove sika enaavolloweke o nipuro naka naweella ni omwaatamella tebulwaaka wi ekirumeyelleke. Alliwa sika enaapwatheke ddeko ddaka.

Levitiko 10:6

Vano Mose aamulleella Aroni ni anaaye Eleazara ni Itamara wi, “Muhinakhalla oohipesa apaalle waahulla ddoowara ddanyu wooniha ethakaraka, woova wi munaakhwe navettho wooviha wi Apwiya eneerewaashella murima athu attheene. Koma Aisraele akhwiinyu sika enawinlle ekaamba ya munllo oyo Apwiya yaashellellihalliiwana Nadabu ni Abihu

Levitiko 24:3

Aroni ayikharihe enyaleeyo vamiitthoni va Apwiya otte wa ekatani yootchinga nibokosi na echipangano nno niri m'musasani wamutthukumano wi ekhareke waambeella misikuwa ophiyera ohinase. Nenna nikhalle lamulo wa enthawi yoohimalla wa mibado ddanyu ddittheddene.

Zekariya 10:3

Kohaashella murima abusa nave kineerewaallaka oohoollella a mwiillaponimmo. Koma mi Apwiya Amasiva Mattheene kineerohoollella enkhosa ddaka, nibanja na Yuda nave kineerodditthattusa wonanko akavalo akhoto amasiva.

Numeri 1:50

Koma waakuse Alevaayo wi epwatheke musasa wamutthukumano wa omboni, ezipangizo ddiwa ni ddittheddene ddiri mwemmo. Ewutukhulleke musasooyo ni ezipangizo ddiwa nave ewupwatheke. Misasa ddiwa edditthipelleke moowaapheella musasa wamutthukumanooyo.

Numeri 1:53

Koma Alevi etthipelle misasa ddiwa moowaapheella musasa wa mutthukumano wi kihaallutuwelle Aisraele. Alevi sika enaawehereke musasooyo.”

Numeri 16:46

Mose aamulleella Aroni wi, “Kusa yoothuwihellaawo mwiisi ya lubani, ohellemo mankhalla amunllo wa vanikuwani nave ohellemo lubani. Oyeena mwawaakuva nko ori athu nave oweerelle mutetho woopepesella machimwiiwa. Apwiya aasha murima nave mullilli wohaamba khalle.”

Numeri 18:4

Alliwaayo eneerophara mutteko ni weyaano, erumeyellakattho mu musasa wamutthukumano va mitteko ddittheddene dda m'musasanimmo. Koma ahikhallevo mmodda anaawaatamelle.

Numeri 4:18

“Muhinaakhullella Akohati yoonongeye variyari va Alevi,

Numeri 8:19

Alevaayo kohaakusa variyari va Aisraele nave kohaavelleella wonanko emphaso wa Aroni ni anaaye wi erumeyelleke munipuroni mwa Aisraele mu musasa wamutthukumano. Yeereke mutetho woopepesella machimo a Aisraele wi mullilli ohaamorelle Aisraele ayo enaawatamelle vakhuviru ni nipuro oopatuleya.”

Numeri 8:2

“Mulleelle Aroni wi aahiyaka enyale dditthanu ni piilli va yoohiyavo enyale, addihiye wi ddimolleelleke muhoollo mwa ddoohiyavo enyalennddo.”

1 Timoteo 1:18

Timoteo, mwanaka, kinavelleella lamulonna wa weyaano moollikana ni mawu a yoollotelliwa khalle dda weyaano. Mawu yaayo yuukavihere owana ekhoto yaphaama,

1 Timoteo 3:15

Nave kaselliwa, kalatoolla aneeroowoonihani mmo muthu anaphwanelleeye okhallella mu enyumba ya Mulluku, eyo eri mpingo wookumi, opoto ni matthipello a yawoona.

1 Timoteo 5:21

Vamiitthoni va Mulluku ni Khrisitu Yesu ni angelo ootthoolliwa kinimuulamula wi othware malamulo yaalla moohiweha ekhove apaalle mookondella.

1 Timoteo 6:20

Timoteo, wehera phaama eyo ohiyeriweewe. Ohiiwelle miyaha ddoohikhalla ni mutteko ni ddoohikhalla ni omulluku, nnddo mwawoottha, ddineeriwa odduwella.