Numeri 18:27 - Mawu a Mulluku

²⁷ Nave yoovelleellaanyu eneeroweerengelliwa wonanko tirigu awaamba vanipuroni nawuuputhella navettho vinyo awaamba vanipuroni noomuwamullella.

Numeri 18:27 Iomraidhean Croise

Genesis 50:10

Ephiyalle onipuroni noomuuputhellavo tirigu o Atadi, wookhuma nndduwa wa Yordani, yaheera moollikana ni ehuddiho yoolemu ya minllello nave yahinlla maliro wenko mallapo matthanu ni meelli.

2 Mamwene 6:27

Vaavo mwenooyo aakoha wi, “Ethiyo Apwiya yaahuukavihera, vano mi kinaaddikuse wuuwi ddawuukaviherana? Ethiyo woohalla ello o nipuro nawuuputhella tirigu apaalle noovotella ezipaso ddampesa?

Numeri 15:20

Va Buledaanyu a ddoohata ddawaamba, muvelleelleke mwitthi mmodda wi akhalle mukutho. Mumuvelleelle wonanko mmo muneerelleenyu voomuuputhani tirigu.

Numeri 18:26

aalleellettho Alevi wi, “Mwaawaakhellaka wa Aisraele yaneekhumi eyo kuuvahilleemini wi ekhalle yoohallanaanyu, muvelleellewo yaneekhumi ya yaneekhumeeyo wi ekhalle mukutho woovelleella wa Apwiya.

Numeri 18:28

Sika nyuwaano muvelleelleke ddoovelleella ddanyu wa Apwiya ovenyera va erive yaneekhumi eyo munaawaakhelleenyu wa Aisraele. Yoovelleellaanyu wa Apwiya mumvaheke Aroni.

Numeri 18:30

“Waalleellettho wi, ‘Mwavelleella ddaphaama okhwaranya ddittheddene, ddoohallannddo muddeerengelle wi tti ddaanyu.

Deuteronomo 15:14

Mumuvahewo mwawoollowa matta va ddittheddene nnddo Apwiya yuudalisallenyunani monga enkhosa, tirigu ni vinyo.