Numeri 18:24 - Mawu a Mulluku

²⁴ Vano erive yaneekhumi eyo Aisraele enavelleelliiwa wa Apwiya, kohaavaha Alevi wi ekhalle yoohallana. Sika ekaambiiwa kaalleelleemi wi ehikhalle ni yoohallana variyari va Aisraele.”

Numeri 18:24 Iomraidhean Croise

Nehemiya 10:38

Nave mullupa mukutho, edduullu ya Aroni aneerothaanana ni Alevi yatthukumanihaka ddaneekhuminnddo. Nave Alevi eneerekowaana ddaneekhuminnddo o ezipinda ddoosungellamo ddeko mu enyumba ya Mullukwaahu.

Nehemiya 13:12

Nave Ayuda attheene yaawaana ddaneekhumi dda othu, dda vinyo ni dda makhura o ezipinda ddoosungellamo ddeko.

Levitiko 27:30

“Erive echigawo yaneekhumi ya mu ellapo, khaya tti mmiddo wa muthayani apaalle tti ezipaso ddammuteekhoni tti ya Apwiya. Yeeyo tti yoopatuleya ya wa Apwiya.

Numeri 18:25

Apwiya yaamulleella Mose wi

Numeri 18:26

aalleellettho Alevi wi, “Mwaawaakhellaka wa Aisraele yaneekhumi eyo kuuvahilleemini wi ekhalle yoohallanaanyu, muvelleellewo yaneekhumi ya yaneekhumeeyo wi ekhalle mukutho woovelleella wa Apwiya.

Numeri 26:62

Echiwerengero ya Alevi ovenyera mweeri mmodda oya muhoollo yaari 23,000. Alliwaayo kheyaaweerengelliwe nimodda ni Aisraele amodda kaambiiwa kheyaavahiwe nipuro wi nikhalle yoohallaniiwa variyari va Aisraele.

Deuteronomo 10:9

Ella sika ekaambiiwa nlloko na Levi khenaakhellille yoohallana wonanko yeerelle malloko mamoddaalle. Apwiya sika yoohallaniiwa moollikana ni mmo Apwiya Mullukwaanyu yaalonjezelliiwa.)

Deuteronomo 26:12

“Orive muyakha waneeraru muvelleelleke yoovelleella yaneekhumi ya ddoohata ddanyu wa Alevi, alleto, akhwaadduni ni anamukhwelle wi ekhalleke ni yoocha yookwakhwanella o muzinda nko enakhalliiwa. Mweera ddenndda,

Yoswa 13:14

Koma Mose khaawaavahille yoohallaniiwa athu a nlloko na Levi. Yoohallaniiwa ya Apwiya Mulluku yaari echigawo ya ddoovelleella dda mukutho wawoosa viikho moollikana ni mmo Apwiya yamulleellelliiwa.