Numeri 18:21 - Mawu a Mulluku

²¹ “Kohaavaha Alevi erive yaneekhumi wi ekhalle yoohallaniiwa va nnddo Aisraele enavelleelliiwa wa miyaano ekaamba ya mutteko enawuphariiwa mu musasa wamutthukumano.

Numeri 18:21 Iomraidhean Croise

Genesis 14:20

Atitimihiwe Mulluku Amasiva Mattheene oyo aweerihalle wi waagonjihe adanaawo.” Vaavo Abramu aavelleella wa Melkizedeki erive yaneekhumi ya ddeko ddittheddene aakhilleeye.

Genesis 47:24

Va enthawi yoohata muneerovelleella wa Farao erive yaneetthanu ya ddoohata ddanyunnddo nave ddittheddene ddoohallannddo ddinaakhalle ddaanyu. Ddimodda muddisunge mmiddo koma ddimoddannddo muche ni mabanjaanyu mattheene.”

Genesis 47:26

Sika Yosefe aakeraatthiha lamulo mu ellapo ettheene ya Iguputo wi erive yaneetthanu ya ddoohata enaakhalle ya Farao. Lamulo nenna nookhallawove ophiyera ollellova. Koma ellapo dda allupa mukuthove khaaddikusalle wi ddikhalle dda Farao.

2 Epilli 31:12

Vatulli viwa yaawaana moororomelleya ddoovelleellannddo, ddaneekhumi ni ddeko ddoopatuleya. Nave oohoollelliiwa muullupalli aari Konaniya Mulevi ni Shimei mwanamunne, oomuthwarellella.

Nehemiya 10:29

hiyaano attheene nahiiwanana ni abalaahu, oohoollellaahu, nillupella wi nineereweeta mu malamulo a Mulluku ayo yavelleelliwe oweella mwa Mose oorumeyella a Mulluku. Sika nineerewiiwellella malamulo mattheene ayo Apwiya Mullukwaahu yanilamulelliiwa nave nineerosunga malangizwiiwa mattheene. Nave nitembeleliwe naahiiwellella apaalle weera ddenndda.

Nehemiya 10:37

Nave nineerowaana wa allupa mukutho, mu ezipinda ddoosungellamo ddeko mu enyumba ya Mullukwaahu, othu wawoottowa wawaamba navettho emphaso ddahu ddimodda monga ezipaso dda orive muteekho, vinyo ni makhura. Nineerovelleellattho wa Alevi, emodda yaneekhumi ya ddeko dda m'matani mwahu vawi Alevi sika enatthukumaniha ddeko ddittheddene ddaneekhumi mu ezigawo ddahu ddittheddene.

Nehemiya 10:38

Nave mullupa mukutho, edduullu ya Aroni aneerothaanana ni Alevi yatthukumanihaka ddaneekhuminnddo. Nave Alevi eneerekowaana ddaneekhuminnddo o ezipinda ddoosungellamo ddeko mu enyumba ya Mullukwaahu.

Nehemiya 12:44

Nllapo nenno waatthoolliwa athu oolamulella ezipinda ddoosungellamo ddeko o enyumba ya Mulluku wonanko ddoovelleella, ezipaso ddawaamba ni ddaneekhumi. Athwaayo yaatthukumaniha ddoovelleella ovenyera mu emata ddawaapheella mizinda wi ekhalle echigawo ya allupa mukutho ni Alevi moollikana ni malamulo. Vawi Ayuda attheene yaahakallalla ni allupa mukutho ni Alevi yarumeyellaayo.

Nehemiya 12:47

Nave enthawi ya Zerubabele ni enthawi ya Nehemiya, Aisraele attheene yaanavelleella nllapo ni nllapo ddoovelleella wa athu awiipa machipo ni alonda a mu millako o enyumba ya Mulluku nave yaanavelleellattho ddoopatuleya wa Alevi. Nave Alevaayo yaanapatulavottho dda anamwani a Aroni, allupa mukutho.

Nehemiya 13:12

Nave Ayuda attheene yaawaana ddaneekhumi dda othu, dda vinyo ni dda makhura o ezipinda ddoosungellamo ddeko.

Nehemiya 13:5

aamukhozera Tobiya echipinda yuullupalli mmo vawaamba yasungalliiwamo mikutho dda othu, lubani,* eziwiya, ddoovelleella dda allupa mukutho navettho ddaneekhumi dda ddoocha, dda vinyo ni dda makhura nnddo ddalamuliwe wi evahiwe Alevi, athu awiipa machipo ni alonda a millako o enyumba ya Mulluku.

Malaki 2:4

Vano muneerodduwella wi kohuuvahani lamulo nenna wi echipanganwaaka ni allupa mukutho, edduullu dda Levi, ehilepheleye. Mi Apwiya Amasiva Mattheene koollota.

Malaki 3:10

Muweena o enyumbaaka yoosungellamo ddaneekhumi ddampuphullu wi okhalle ddoocha ddinchichi. Mukeese nave muneerewoona kuuhullellakani mawindo a oddullu ni owiithellellani madaliso manchichi. Mi Apwiya Amasiva Mattheene koollota.

Numeri 18:6

Kohaatthoollattho abalaawo, Alevi, variyari va Aisraele wonanko emphaso wa weyaano. Aavelleelliwa wa Apwiya wi erumeyelleke mu musasa wamutthukumano.

Numeri 3:6

“Oweena wuno athu a nlloko na Levi nave waavelleelle wa Aroni wi emukavihereke.

Numeri 31:28

Va echigawo ya athu yakelle okhotonaayo, mukusevo echigawo wi ekhalle ya Apwiya, va ddirive ddawaakha okhotoni 500, mukusevo emodda va akaporo, va eng'ombe, va abulu, va enkhosa ni va epuri.

Agalatiya 6:6

Ayo enahuddihiwa othenga wa Khrisitu enaphwanella ekawanena ddeko ddaphaama eriiwana ni ahuddihiiwa.

Deuteronomo 18:8

Anaphwanella waakhella yoocha moollikana ni allupa mukutho amodda nave ooheerengella eyuuma eyo aakhenlleeye ovenyera o nibanja naye.

Aheberi 7:5

Malamulo ennalamula wi edduullu dda Levi ayo eri allupa mukutho yaakhelleke yaneekhumeeyo ovenyera wa Aisraele. Sika wi yaakhelleke ovenyera wa Aisraele akhwiiwa naari alliwattho yaari edduullu dda Abrahamu.