Numeri 18:20 - Mawu a Mulluku

²⁰ Nave Apwiya yaamulleella Aroni wi, “We khokawelliwa yaawoyaawo mwiillaponi mwawo nave khokhallanattho yoohallana variyari viwa. Miyaano sika kiri yookawelliwa yaawoyaawo ni yoohallanaawo variyari va Israele.

Numeri 18:20 Iomraidhean Croise

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Masalimo 142:5

Nyu Apwiya, kinnawinllellani kinnallota wi, “Nyu sika woothawellawo waka, yoohallanaaka mu ellapo ya athu ookumi.

Masalimo 16:5

Nyu Apwiya sika eyuumaaka ni yoohallanaaka, okumaaka ori m'mattani mwanyu.

Masalimo 73:26

Naari mwiillaaka ni murimaaka ddifookille mwawiidde, Mulluku sika masiva a murimaaka, sika yoohallanaaka wa enthawi yoohimalla.

Maliro 3:24

Kinnallota wi, “Apwiya sika ddaaka ddittheddene, sika etiyerellwaaka eri mwa alliwaayo.”

Ezekiele 44:28

“Allupa mukutho ehikhalle ni erive yoohallana apaalle eyuuma, yoohallaniiwa ni eyuumiiwa tti miyaano.

Numeri 18:7

Vano weyaano ni anaawo murumeyelleke va mutteko wa mukutho, mitteko ddittheddene dda vanikuwani ni va mitteko ddittheddene dda nipuro naweellesesa. Kohuuvaha omullupa mukutho wi ekhalle emphaswaawo. Koma arive muthu anaatamellevo aneerewiiphiwa.”

Numeri 26:62

Echiwerengero ya Alevi ovenyera mweeri mmodda oya muhoollo yaari 23,000. Alliwaayo kheyaaweerengelliwe nimodda ni Aisraele amodda kaambiiwa kheyaavahiwe nipuro wi nikhalle yoohallaniiwa variyari va Aisraele.

Deuteronomo 10:9

Ella sika ekaambiiwa nlloko na Levi khenaakhellille yoohallana wonanko yeerelle malloko mamoddaalle. Apwiya sika yoohallaniiwa moollikana ni mmo Apwiya Mullukwaanyu yaalonjezelliiwa.)

Deuteronomo 12:12

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo enakhalla variyari vanyu vawi khenna yoohallaniiwa.

Deuteronomo 14:27

“Koma muhaatiwalle Alevi ayo munakhalleenyuna m'muzi mwanyu vawi alliwa khenna yoohallaniiwa.

Deuteronomo 14:29

Yoocha yeella tti ya Alevi vawi alliwa khenna ellapo wonanko yoohallaniiwa. Navettho tti ya alleto, ya akhwaadduni ni anaamukhwelle ayo enakhalla m'muzi mwanyu. Athu yaalla eweeke ni okusa ddoorama ddiwa. Mweereke ddenndda wi Apwiya Mullukwaanyu yuudalisekeni va mitteko ddanyu ddittheddene.”

Yoswa 13:14

Koma Mose khaawaavahille yoohallaniiwa athu a nlloko na Levi. Yoohallaniiwa ya Apwiya Mulluku yaari echigawo ya ddoovelleella dda mukutho wawoosa viikho moollikana ni mmo Apwiya yamulleellelliiwa.

Yoswa 13:33

Koma Mose khaawaavahille yoohallaniiwa athu a nlloko na Levi vawi Apwiya Mulluku a Israele sika yoohallaniiwa moollikana ni mmo aalleellelleeye.

Yoswa 14:3

Mose ahaakawella malloko meelli ni hafu ezigawo ddiwa o ellapo ya wookhuma nndduwa okhopella wa Yordani wi ekhalle yoohallaniiwa koma Alevi khaawaakawelle.

Yoswa 18:7

Alevive sika ehinaakhellena echigawo ya ellapweeyo wi ekhalle yoohallaniiwa vawi echigawiiwa tti omullupa mukutho wa Apwiya. Nlloko na Gadi, na Rubeni ni hafu a nlloko na Manase yahaakhella khalle echigawiiwa okhopella wa muhinje wa Yordani, wookhuma nndduwa. Mose, oorumeyella a Apwiya sika aavahille.”

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.