Numeri 18:2 - Mawu a Mulluku

² Oweenattho abalaawo a nlloko na Levi, nlloko na nikhollo nawo wi ephareke mutteko ni weyaano, yuukavihereke weyaano ni anaawo mwaarumeyellaka mu musasa wamutthukumano.

Numeri 18:2 Iomraidhean Croise

Genesis 29:34

Aakusattho erukullu emodda, amuyarattho mwaana mmodda aamullopwana nave aallota wi, “Vano mamunaka aneeropataana ni miyaano vawi koomuyarella anamwani araru.” Sika mwaanooyo aamuvaha nnddina nawi Levi.

2 Epilli 30:16

Yaakhalla m'mapuroni mwiwa moollikana ni malamulo a Mose muthu a Mulluku. Nave allupa mukutho yaamidda vanikuwani nikhame yinnyiwiiwa ni Alevi.

Ezekiele 44:11

Eneeremoona okhalla oorumeyellaaka mu nipuro naka naweella. Eneerekowehera millako dda enyumba ya Apwiya ni ophara mitteko ddimodda wenko. Eneerekewiipha enama dda mikutho ddooshellelliha ni mikutho ddimodda dda athu. Sika eneerekowiimellella athwaayo ni waarumeyella.

Ezekiele 44:15

Koma allupa mukutho a nlloko na Alevi a nibanja na Zadoki, ayo yaroromelleye va mitteko ddoopwatha nipuro naweella enthawi eyo Aisraele yahollowilliiwa ni okihiya miyaano yaayove eneekewaatamella wa miyaano wi ekirumeyelleke. Eneeroowa wa miyaano wi eheraatthi mukutho wa makhura ni wa nikhame. Mi Apwiya Mulluku koollota.

Malaki 2:4

Vano muneerodduwella wi kohuuvahani lamulo nenna wi echipanganwaaka ni allupa mukutho, edduullu dda Levi, ehilepheleye. Mi Apwiya Amasiva Mattheene koollota.

Numeri 1:53

Koma Alevi etthipelle misasa ddiwa moowaapheella musasa wa mutthukumano wi kihaallutuwelle Aisraele. Alevi sika enaawehereke musasooyo.”

Numeri 16:40

wi ddikhalle yawuupusella ya Aisraele. Nave wi arive muthu oyo ahiri mullupa mukutho, oyo ahiri mmodda mwa edduullu dda Aroni, ahaatamelle wi athuwihe lubani vamiitthoni va Apwiya wi ddihimmorelle ddoophwanaphwana ni nnddo ddammorenlle Kora ni mullokwaaye. Ddittheddene ddaheereya moollikana ni mmo Apwiya yamulleellelliiwa Eleazara oweella mwa Mose.

Numeri 17:7

Mose aaddihiya ekoponnddo vamiitthoni va Apwiya mu musasa wa mutthukumano.

Numeri 18:4

Alliwaayo eneerophara mutteko ni weyaano, erumeyellakattho mu musasa wamutthukumano va mitteko ddittheddene dda m'musasanimmo. Koma ahikhallevo mmodda anaawaatamelle.

Numeri 3:5

Apwiya yaamulleella Mose wi,

Numeri 4:15

Vano Aroni ni Anaaye, emallihalle okhuneella ddekonnddo ni ezipangizo ddiwa ddittheddene athu yaatthaamaka, Akohati sika enaatukhulleke ddenndda koma ehittannye ddeko ddoopatuleya wi ehikhwe. Ddenndda sika ddeko dda m'musasani wamutthukumano nnddo Akohati enaatukhullekiiwa.

Numeri 8:19

Alevaayo kohaakusa variyari va Aisraele nave kohaavelleella wonanko emphaso wa Aroni ni anaaye wi erumeyelleke munipuroni mwa Aisraele mu musasa wamutthukumano. Yeereke mutetho woopepesella machimo a Aisraele wi mullilli ohaamorelle Aisraele ayo enaawatamelle vakhuviru ni nipuro oopatuleya.”

Numeri 8:22

Vatulli viwa Alevaayo yaaphwanella ophara mutteko mu musasa wamutthukumano nave yaanamukavihera Aroni ni anaaye. Sika yaaweerella Alevaayo moollikana ni mmo Apwiya yamulamulelliiwa Mose.

Aheberi 9:6

Vano sika otthopoolla wiwa tti wi allupa mukutho yaanavollowa mu nipuro naweellanne nllapo ni nllapo wi yaphare muttekwiiwa wamallapello.