Numeri 18:19 - Mawu a Mulluku

¹⁹ “Ddoovelleella ddoopatuleya ddittheddene nnddo Aisraele enaddivelleelliiwa wa Apwiya kohuuvaha weyaano, anaawo aallopwana ni anaawo aatthiyana ayo eri ni weyaano. Ddennddo ddikhalle ddaawo. Yeella sika echipangano ya wa enthawi yoohimalla variyari va mi Apwiya ni weyaano ni edduullu ddawo.”

Numeri 18:19 Iomraidhean Croise

2 Mamwene 12:16

Makobiri oollivella mukutho wa mullatu navettho makobiri oollivella mikutho ddoopepesella machimo kheyaavokha mu nibokosi na mu enyumba ya Apwiya koma yaari a allupa mukutho.

2 Epilli 13:5

Ethiyo khemunadduwella wi Apwiya Mulluku a Israele aavelleella omwene wa Israele wa Davide ni anaaye wa enthawi yoohimalla vaweerani echipangano yoohitathiya?

2 Epilli 31:4

Mwene ahaalamula athu a o Yerusalemu wi evelleelleke ddeko ddawaaphwanella allupa mukutho ni Alevi wi vaweerani ddiiddo alliwattho yiivelleelleke o lamulo na Apwiya.

Eksodo 29:27

“Vatulli viwa opatule embali dda nankhoro a enkhosa yoovelleella va mutetho woomuzozella Aroni ni anaaye, sika wi ekhakadda ni mweto wamutulli ddoovelleelliwa wonanko yoovelleella yootukhullella muddullu.

Ezekiele 43:24

Oddivelleelle vamiitthoni va Apwiya nave allupa mukutho eddihelle mwiinyu ni oddiheraatthi wi ddikhalle mukutho wooshellelliha wa Apwiya.

Levitiko 2:13

Mukuthwaaye wa othu awuhelleke mwiinyu vawi mwiinyooyo onnooniha echipangano ya variyari va olliye ni Mullukwaaye. Sika ahelleke mwiinyu mikutho ddaye ddittheddene.

Levitiko 21:22

Koma ttuucha ddoocha ddoovelleelliwa wa Mullukwaaye, buledi oopatuleya ni ddoocha ddoopatuleya ddoohalla dda mukutho.

Levitiko 7:14

Vatulli viwa akusewo mwitthi mmodda va orive mutundu wa buledi wi okhalle yoovelleella yoopatuleya yoovelleella wa Apwiya. Mwitthi yooyo tti wa mullupa mukutho oyo anaawiithe moowaapheella nikuwa, nikhame na mukutho wa eyaattano.

Numeri 18:11

“Ddimoddattho ddaanyu tti ddoovelleella dda emphaso owaaka ddoovelleella ddootukhullella muddullu wa Apwiya dda Aisraele. Ddenndda kohuuvaha, anaawo aallopwana ni aatthiyana wi ddikhalle ddaanyu wa enthawi yoohimalla. Arive muthu mu nibanja nawo oyo ahiripihiwe ttuucha.

Numeri 18:8

Apwiya yaamulleellattho Aroni wi, “Va ddoovelleella wa miyaano, kohuuvaha ddoohalla onasungeewe nnddo Aisraele enapatullelliiwa wa miyaano. Kohuuvaha ddenndda wi ddikhalle echigawaawo ni ya anaawo wi ddikhalle ddaanyu wa enthawi yoohimalla.

Numeri 31:29

Mukuse ddennddo va echigawo ya athu yakelle okhotonaayo nave mumuvahe Eleazara wi ddikhalle ddoovelleella wa Apwiya.

Numeri 31:41

Mose aavelleella wa Eleazara echigawo ya Apwiya moollikana ni mmo Apwiya yamulamulelliiwa Mose.

Deuteronomo 12:26

Ddoovelleella ddanyu nnddo mwaapatulelleenyu Apwiya ni emphaso ddanyu nnddo mwallupenlleenyu, ddittheddenennddo muyeena wa Apwiya va nipuro nno enaatthoolliiwa.

Deuteronomo 12:6

wi mwavelleelleke mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella dda opaalla wanyu, ddoovelleella ddoollupella, emphaso ddanyu ni ddoovelleella dda anamwani awaamba a eziweto.