Numeri 17:7 - Mawu a Mulluku

⁷ Mose aaddihiya ekoponnddo vamiitthoni va Apwiya mu musasa wa mutthukumano.

Numeri 17:7 Iomraidhean Croise

Eksodo 38:21

Ella sika echiwerengero ya golide, siliva ni mukuwa nnddo yaddipharihiiwa mutteko voopangani musasa wamutthukumano moollikana ni mmo Mose alamulalleeye. Alevi sika yaari ni odindo wooddeerenga nave aahoollella tti Itamara, mwaana a Aroni mullupa mukutho.

Numeri 1:50

Koma waakuse Alevaayo wi epwatheke musasa wamutthukumano wa omboni, ezipangizo ddiwa ni ddittheddene ddiri mwemmo. Ewutukhulleke musasooyo ni ezipangizo ddiwa nave ewupwatheke. Misasa ddiwa edditthipelleke moowaapheella musasa wamutthukumanooyo.

Numeri 1:53

Koma Alevi etthipelle misasa ddiwa moowaapheella musasa wa mutthukumano wi kihaallutuwelle Aisraele. Alevi sika enaawehereke musasooyo.”

Numeri 14:10

Koma athu attheene yapaalla waavokha malluku. Enthawi yeeyo moorurumusa ntitimiho na Apwiya naawooneyella Aisraele mu musasa wamutthukumano.

Numeri 17:4

Nave ekoponnddo oddihiye mu musasa wamutthukumano vahoollo va nibokosi na echipangano valle kinakumaneemi ni weyaano.

Numeri 17:6

Sika Mose aallota ni Aisraele. Nave oohoollella attheene yaamwinnya ekoponnddo, arive muthu ekopo emodda moollikana ni mabanjiiwa navettho makhollwiiwa, sika wi ekopo khumi ni piilli vamodda. Ekopo ya Aroni yaari variyari va ekopo ddiwa.

Numeri 18:2

Oweenattho abalaawo a nlloko na Levi, nlloko na nikhollo nawo wi ephareke mutteko ni weyaano, yuukavihereke weyaano ni anaawo mwaarumeyellaka mu musasa wamutthukumano.

Numeri 9:15

Va nllapo nno natthipelliwe musasa wamutthukumano, murapo waakhuneella. Erive misikuwa ophiyera ohinase murapooyo waanakhuneella ori ni mooneyello amunllo.

Mitteko 7:44

“Makhollwaahu yaakhalla ni musasa woomboni wawooniha wi Mulluku ookhallawo o echipululu wulle. Yapangiwe ollikana ni ddallotille Mulluku wa Mose nave moollikanattho ni mamakello oonihiweeye.