Numeri 16:5 - Mawu a Mulluku

⁵ Vano aamulleella Kora ni mullokwaaye muttheene wi, “Osiisello ohinase Apwiya enoonihelle oyo ari ayiwayiwa navettho oyo ari aweella nave eneeromulleella wi awe vakhuviru ni alliwa. Muthu oyo Apwiya enaamutthoolliiwa eneeromuphiyiha vakhuviru.

Numeri 16:5 Iomraidhean Croise

Masalimo 105:26

Apwiya yaamuruma Mose oorumeyelliiwa ni Aroni oyo yamutthonlliiwa.

Masalimo 115:10

We nibanja na Aroni aroromelle Apwiya, Apwiya sika awuukaviheraawo ni awuutetezaawo.

Masalimo 65:4

Oodalisiwa tti muthu oyo mwamutthoonlleenyu oyo munamweeriheenyu wi akhalleke m'mathatonaanyu. Munivonihe ni ddeko ddaphaama dda mu enyumbaanyu, enyumbaanyu yaweella.

Eksodo 28:1

“Omwiithanihe Aroni ni anaaye, Nadabu, Abihu, Eleazara ni Itamara wi ewe. Kohaatthoolla variyari va Aisraele wi ekhalle allupa mukutho.

Eksodo 28:41

Ddoowara ddenndda omuwarihe mwanamunno Aroni ni anaaye. Nave waazoze, waavahe odindo ni waapatula wi ekhalle allupa mukutho.

Eksodo 28:43

Aroni ni anaaye ewareke ddenndda enthawi ddittheddene yaayaaka o musasa wamutthukumano apaalle onikuwani wookirumeyella onipuroni naweella woova wi enaachimwe ni okhwa. Lamulo nenna noollota dda Aroni ni edduullu ddaye nikhalle lamulo wa enthawi yoohimalla.

Yeremiya 30:21

Oolamulella anaakhalle mmodda a alliwa, oohoollella anaavenyera variyari viwa. Kineeromususihella vakhuviru ni miyaano, olliye aneerewaatamana ni miyaano. Ttaani anaallipe murima wi aatamane ni mi?

Yeremiya 49:19

Wonanko mukango wookhuma mu otthako dda o Yordani onoopopiheriiwa nikholla na enkhosa nooteteziwa phaama, moorurumusa kineerowiikarihella Aedomu woorekamella ni owaniwa. Vatulli viwa kineerewaahiyera awaalamulella kinaampaalleemi mwaneenaaka. Ethiyo ttaani anaaphwanaphwane ni miyaano? Ethiyo ttaani anaawore okiipa mullatu miyaano? Ethiyo tti mbusa oovi anaawore ollipana ni miyaano?

Yeremiya 50:44

“Wonanko mukango wookhuma mu otthako dda o Yordani onoopopiheriiwa nikholla na enkhosa nooteteziwa phaama, moorurumusa kineerowiikarihella Ababiloni woorekamella ni owaniwa. Vatulli viwa kineerewaahiyera awaalamulella kinaampaalleemi mwaneenaaka. Ethiyo ttaani anaaphwanaphwane ni miyaano? Ethiyo ttaani anaawore okiipa mullatu miyaano? Ethiyo tti mbusa oovi anaawore ollipana ni miyaano?

Ezekiele 40:46

Echipinda yooweha ompotweella tti ya allupa mukutho oorumeyella nikuwa. Allupa mukutho attheene, edduullu dda Zadoki tti yaayove mwa edduullu dda Levi ayo enaaphiyeke vakhuviru wi yaarumeyelleke Apwiya.”

Ezekiele 43:19

allupa mukutho a nlloko na Levi, a mu nibanja na Zadoki, tti yaayove enaakaatamelleke wi ekirumeyelleke. Mi Apwiya Mulluku koollota. Waavahe nankhoro a musaanaang'ombe wi eheraatthi mukutho woopepesella machimo.

Ezekiele 45:4

Nipuro nenno nikhalle na allupa mukutho ayo enarumeyella o nipuro naweella, ayo enawaatamella Apwiya vawaarumeyellani. Vaavo sika vinaakhalle voomaka enyumba ddiwa ni enyumba ya Apwiya.

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Levitiko 8:2

“Omukuse Aroni ni anaaye. Okusettho ddoowara dda allupa mukutho, makhura oozozella, nankhoro a eng'ombe ya mukutho woopepesella machimo, anankhoro a enkhosa eelli navettho mutaanga wa buledi oohikhalla ni yisiti.

Malaki 3:18

Vano athu eneerohiyaniha variyari va athu oolungama ni oohilungama, variyari va ayo enamurumeyella Mulluku ni ayo ehinamurumeyella.

Numeri 16:3

Attheenaayo yaatthukumana vamodda nave yaamuwukila Mose ni Aroni, yaalleella wi, “Nyu mohoonjera! Athu attheene tti aweella, arive muthu m'mullokonimmu tti a Apwiya nave Apwiya eri variyari vahu. Kaambiiwa tini munaddeeseenyu oomukhwaranya arive muthu va mutthukumano wa Apwiya?”

Numeri 16:6

Vano weyaano Kora ni mullokwaawo muttheene mukuse ddoothuwihella mwiisi wa lubani.*

Numeri 17:5

Ekopo ya muthu oyo kinaamutthoolleemi eneerophuwa. Sika kineeromalliha okhupanya wa Aisraele nko eneeriiwa moovaanyihana ni weyaano.”

Numeri 17:8

Osaka wene Mose avolloweeye musasa wa mutthukumano, ahoona ekopo ya Aroni, a nlloko na Levi ephuwalle makukhu, ettaphullalle malluwa navettho yimmalle ezipaso ddawiithwa dda manangwa.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Mitteko 1:2

ophiyera nllapo awellihiweeye oya oddullu. Ahinawellihiwe, ahaalamulella mwamasiva a Munepa Waweella allopwana aatthoonlleeye wi ekhalle amurummwaaye.

Mitteko 1:24

Yaavekella wi, “Apwiya, nyuwaano sika munadduwella mirima dda athu attheene. Vano munoonihe oyo mumutthoonlleenyu va eellaalla

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Mitteko 15:7

Ekambiranne wa enthawi yoorekama Petro ahiimella allota wi, “Asinnaka ni arokoraka nyu, munnadduwella wi khalle Mulluku aakitthoolla miyaano variyari vanyu wi kallalleye othenga waphaama wa athu ayo ehiri Ayuda wi yiiwe ni okhulupilila.

Mitteko 22:14

Aallota wi, ‘Mulluku a makhollwaahu ohuutthoolla weyaano wi odduwelle opaalla waye ni wi omoone a echilungamoolle ni wi wiiwe mawaaye.

Aefeso 2:13

Koma vano, mu eyaattano ni Khrisitu Yesu, nyuwaano ayo mwaari voorekamella ni nikhame na Khrisitu mookuselliwa vakhuviru.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

Yawuupullulla 1:6

Nave aaneeriha wi nikhalle omwene wa allupa mukutho oomurumeyella Mulluku Attiitthinnya. Wa Yesu Khrisitu okhalle ntitimiho ni masiva wa enthawi yoohimalla! Amen.

1 Samuele 2:28

Nave kaatthoolla nlloko nanyu variyari va malloko mattheene a Aisraele wi nikhalle allupa mukuthwaaka nave wi eyeeke onikuwani naka namukutho yathuwiheke lubani* nave yawareke yoowara yoopangiwa ni ekuwo yaweella wunchichi yookhalla ni efodi ni odduwella nnddo kinapaalleemi wi athwaaka yeereke. Kaanaakawella embali emodda ya ddoovelleella mukutho ddawoosiwa viikho nnddo Aisraele yavelleelliiwa mukutho wa miyaano.