Numeri 16:26 - Mawu a Mulluku

²⁶ Mose ahaalleella athu a m'mullokonimmo wi, “Pepaani venyanivoni va misasa dda athu oonanaraalla nave muhinattannya erive ellwiiwa wi muhiiphelliwe nimodda ekaamba ya machimwiiwa.”

Numeri 16:26 Iomraidhean Croise

Genesis 19:17

Yaakhumihelle otte wa muzindooyo, mmodda mwa angelwaayo aallota wi, “Thamakani, muvulluse okumaanyu. Muhiwehe mutulli nave muhiimelle muntaponimmo. Thawellani omiyaangoni wi muhiiphiwe.”

Yesaya 52:11

Khumani, khumani, venyaniwoni mwawaakuva o Babiloninko, muhittannye ello yooripihiwa! Nyu ootukhulla eziwiya ddoopatulelliwa Apwiya, khumani, ddeelliheni.

Yeremiya 51:6

Arive muthu mwa nyuwaano athawe, avenyewo o Babiloni wi avulluse okumaaye. Muhiiphiwena nimodda aallakiwaka. Nna sika nllapo nno Apwiya enaallakiiwa ni waahokollosella ddoonanara wunchichi.

Numeri 16:25

Vano Mose aaya omisasani dda Datani ni Abiramu nave attekweene a Aisraele yaamuthwara.

Mateyu 10:14

Arive muthu aahiwaakhellani apaalle owiiwellellani, venyanivoni vanipuronimvo nave muttatthe nthupi omanyalloni wanyu.

Mitteko 13:51

Amurummwa eellaalla yaattattha nthupi omanyalloni wiwa mowaavaanyiha nave evirellella olendwiiwa oya o Ikonio.

Mitteko 8:20

Koma Petro aamwaakhulla wi, “We ni makobiraawaayo mukhwelle nimodda kaambiiwa waaganiza okulla emphaso ya Mulluku voovelleellani makobiri!

2 Akorinto 6:17

Nave vano Apwiya Mulluku enallota wi, “Khumani variyari viwa nave muhipwesererane ni yaayo. Muhittannye ello yooripihiwa, nave kineerowaakhellani.

Deuteronomo 13:17

Muhiphare erive ello yoophwanella woonongiwa wi Apwiya ehuushellenittho murima koma yuumorelleni ethakaraka nave eweerelleni echifundo ni owaatihani moollikana ni mmo yallupenlliiwa wa makhollwaanyu.

1 Timoteo 5:22

Ohaakuveke wiiyaatthi matta va muthu naari ochimwa vamodda ni athu amodda. Weyaano vaweekhaawo okhalleke aweella.

Yawuupullulla 18:4

Nave kahiiwattho mawu amodda oovenyera oddullu ellotaka wi, “Khumaniwo athwaaka, wa olliyooyo! Khamunaphwanella wi mweerekena machimwaayaayo, khamunaphwanella wi mukawanena ollakiwa wayenko!