Numeri 16:21 - Mawu a Mulluku

²¹ “Venyanivoni variyari va mulloko wa athwaalla wi kiwoononge attheene naanweene vaava.”

Numeri 16:21 Iomraidhean Croise

Genesis 19:13

kaambiiwa hiyaano ninapaalla noononge nipuronna. Apwiya ahoona mullatu oyo athu ookhalla m'muzindanimmu eneeriiwa nave noorumiwa wi noononge muzindoolla.”

Genesis 19:14

Enthawi yeeyo Loti aaya wa asombwe ayo yapaalla waatthella anaaye aalleella wi, “Akuvani, hankoni nikhumewo wuno, ekaamba yawi vihanlle enthawi vang'ono wi Apwiya yoononge nipuronna.” Koma alliwaayo yaganiza wi aamasellulla.

Masalimo 73:19

Eneerewoonongeya va enthawi yooyeva, eneeromalla moorurumusa.

Eksodo 32:10

Vano ohikivaanyihe wi kiwoononge athwaalla vawi koosha murima wunchichi koma weyaano kineerewuutthattusa mutundu muullupalli.”

Eksodo 32:12

Ethiyo munapaalla wi Aiguputwaayo elloteke wi, ‘Ahaakhumiha o Iguputo ni yoolinga yoonanara wi awiiphelle omiyaangoni ni waatthollosa va ellapo yavatthi?’ Hiyani owallaanyu wookhara wonanko munllooyo nave muhiwoononge athwaanyu.

Eksodo 33:5

Sika Apwiya yaari emulleellille Mose wi, “Alleelle Aisraelaayo wi, ‘Nyu tti athu awumma murima. Kathaananilleke ni nyuwaano naari va enthawi yooyeva, ddaano kiwoonongilleni attheene. Vano rullani ddawiireerihana ddanyu nave kineerewoona yawi kiweereni.’ ”

Yesaya 37:36

Mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

Yeremiya 5:16

Akhotwaayo mipaamba ddiwa ddinnawiipha athu anchichi nave attheene tti oollipa murima vakhotoni.

Numeri 14:12

Kineerowiipha ni mullilli nave khevollowamo mwiillaponimmo. Vano kineerewuutthattusa mutundu muullupalli ni wamasiva okhwaranya alliwaalla.”

Numeri 14:15

Vano mwawiipha nimodda athu attheenaalla, mitundu ddimodda nnddo ddiiwalle epillaanyu ddineerollota wi,

Numeri 16:20

Nave Apwiya yaamulleella Mose ni Aroni wi,

Numeri 16:45

“Venyanivoni variyari va mulloko wa athwaalla wi kiwoononge attheene naanweene vaava.” Eellaayo yaamora ekhove ddiwa.

Numeri 17:10

Apwiya yaamulleella Mose wi, “Khawe wahokolloselle ekopo ya Aroni vahoollo va nibokosi na echipangano. Oisunge wi ekhalle echizindikiro wa athu oowukila wi ehiye okhupanya nave wi ehikhwe.”

Mitteko 2:40

Petro ahaallalleyella athwaayo ni mawu oohiyanahiyana manchichi aalleella moollipa wi, “Mwiivulluse nyookha o ollaka onawanko wa athu oonanara amuttano!”

2 Akorinto 6:17

Nave vano Apwiya Mulluku enallota wi, “Khumani variyari viwa nave muhipwesererane ni yaayo. Muhittannye ello yooripihiwa, nave kineerowaakhellani.

Yawuupullulla 18:4

Nave kahiiwattho mawu amodda oovenyera oddullu ellotaka wi, “Khumaniwo athwaaka, wa olliyooyo! Khamunaphwanella wi mweerekena machimwaayaayo, khamunaphwanella wi mukawanena ollakiwa wayenko!