Numeri 16:18 - Mawu a Mulluku

¹⁸ Sika arive muthu aakusa yoothuwihella mwiisi, ahenllemo mankhalla amunllo owaaka lubani nave iimella va mullako wa musasa wamutthukumano ni Mose ni Aroni.

Numeri 16:18 Iomraidhean Croise

2 Epilli 26:16

Koma masiva a Uziya yunnuwalle ahaamba wiitukhulla nave aallakiwa. Khaawiiwellelle wa Apwiya Mullukwaaye voovollowani m'musasani wa Apwiya wi oose lubani* vanikuwani nawoosellavo.

Levitiko 16:12

Eeddiiddo akuse yoothuwihella mwiisi yooddalla ni mankhalla amunllo oovenyera vanikuwani na Apwiya, avahulle matta meelli a lubani* oosillasilla nave avollowena ntthella na ekatani.

Levitiko 16:13

Vano ahellemo lubaninno vamiitthoni va Apwiya wi mwiisi wa lubaninno okhuneelle yookhuneella ya nibokosi na echipangano wi ahikhwe.

Numeri 16:17

Arive muthu a nyuwaano akuse yoothuwihella mwiisi wa lubani, ahellemo lubani. Attheenenyu muye omusasaninko, arive muthu ni yoothuwihella mwiisi. Ddoothuwihella mwiisi ddikhalle 250 nave weyaano ni Aroni mukuse yaaye yaaye.”

Numeri 16:19

Kora ahaatthukumaniha athu attheene va mullako wa musasa wamutthukumano moowehana ni Mose ni Aroni. Nave ntitimiho na Apwiya nahooneyella wa athu attheenaayo.

Numeri 16:37

“Mulleelle Eleazara, mwaana a mullupa mukutho Aroni wi avenyihemo ddoothuwihella mwiisi dda lubani m'munllonimmo nave mankhallaayo yaamwaramwarelle voorekamella vawi tti aweella.

Numeri 16:48

Aroni ahiimella variyari va athu ookhwa ni akumi nave mullilloolle waamalla.