Numeri 15:39 - Mawu a Mulluku

³⁹ Manyenje yaayo mwawoona muupuwelleke malamulo mattheene a Apwiya wi muwiiwellelleke nave muhinathwaraka ddoopaalla dda murimaanyu apaalle dda miitthwaanyu nnddo ddinaweerihani wi muhiroromelleyeke.

Numeri 15:39 Iomraidhean Croise

1 Mamwene 12:33

Nave aanaya o nikuwa animakilleeye o Betele va nllapo na 15 na mweeri waneetthanu ni raru, mweeri oyo akeraatthihalleeye yeekhaaye. Nave aalamula wi vikhalle nllapo na ehakallallo na Aisraele attheene nave aanavelleella mikutho dda lubani* vanikuwani.

Yobu 31:7

Manyallo yahiya ettilla, murimaaka wasilila moonanara, mattaaka yaripihiwa ni ddoonanara,

Masalimo 106:39

Yahiiripiha ni mitteko ddiwa, ekhalla hule va ddaweera ddiwa.

Masalimo 73:27

Attheene ayo eri wuuteete ni nyuwaano eneerewoonongeya, oohuuroromellani muneerowoononga.

Eksodo 13:9

Ehakallallo yeella enaakhalle wonanko echizindikiro yoomakiwa va nnatta nanyu apaalle yawuupusella yoomakiwa vayuuchini vanyu wi malamulo a Apwiya khewa evenyaka vayanoni vanyu kaambiiwa olliye ahuukhumihani o Iguputo ni nnatta naye namasiva.

Miyambo 28:26

Muthu anaroromella maganizwaayeve tti ookarangeya koma aweeta mweezeru aneerovulluwa.

Miyambo 3:1

Mwanaka, ohinatiwalla malangizwaaka, osungeke malamulwaaka m'murimani mwawo.

Oollalleya 11:9

We Musombwe, hakallalla ni esombwe. Murimaawo ohakallalle mallapo a esombwaawo moollikana ni mmo opaalla wa murimaawo ni mmo miitthwaawo enoonelliiwa koma dduwella wi Mulluku aneerowiipa mullatu wa ddittheddenndda.

Yeremiya 9:14

Koma yahumma murima ni othwara murimiiwa woonanara. Yaallapella mafano a Baala moollikana ni mmo makhollwiiwa yaahuddihelliiwa.

Ezekiele 6:9

Vano oovulluwa mwa nyuwaano eneerokuupuwella variyari va athu a mitundu ddimoddaayo nko enaapharelliiwawo okaporo. Kineerewaamoriha ethakaraka nave kineerewaawulliha muru ekaamba ya ohiroromelleya wiwa nave owukila wiwa wulle ekaamba yoohiya murimiiwa va mafano. Ddineerewaananara aneeniiwa vawoonanani ddoonanara ddittheddene nnddo yeerilliiwa vamodda ni ddaweera ddiwa ddoonanara.

Hoseya 2:2

“Mumuhumullulle meenyu, mumuhumullulle vawi khe mwaaraka nave miyaano ngihiyottho mamune. Mumuhumullulle wi ahiye oraruwa, ezibwenzi ddaye addivenyihe vamirimani vaye.

Deuteronomo 29:19

Moonesese wi vihikhalle mmodda a nyuwaano ollello oyo aniiwa mawu yaalla koma anallota m'murimani mwaye wi ddeko ddineeromweetella phaama naari ari awumma murima oowanddeellella weera ddoopaalla ddaye. Ddakhalla ddiiddo, aphaama ni oonanareene eneerewoonongeya.

Deuteronomo 4:23

Sika muchenjere! Mooneseseke wi muhitiwalle echipangano eyo Apwiya Mullukwaanyu yakeraatthihalliiwa ni nyuwaano nave muhipange nifano noophwanaphwanihella erive ello eyo Apwiya Mullukwaanyu enuulamuleewani.

Deuteronomo 6:12

muhiwe mwaatiwalla Apwiya ayo yuukhumihalleni o Iguputo, o okaporo.

Deuteronomo 8:11

“Upuwellani nave muhaatiwalleke Apwiya Mullukwaanyu nave muhilepheleke owiiwellella malamulo ni malangizwiiwa mattheene ayo kinawinnyeemini ollello.

Deuteronomo 8:14

muhiitukhulleke ni waatiwalla Apwiya Mullukwaanyu ayo yuukhumihalleni wuukaporoni o Iguputo.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.