Numeri 15:35 - Mawu a Mulluku

³⁵ Vano Apwiya yaamulleella Mose wi, “Muthooyo iiphiwe. Aisraele attheene emuvokhe malluku otte wa misasa.”

Numeri 15:35 Iomraidhean Croise

1 Mamwene 21:13

Athu eellaalle yaavollowa ekeraatthi moowehana ni olliye. Yaambille ni ovelleella omboni vamiitthoni va athu attheene wi, “Naboti aamutembelela Mulluku navettho mwene.” Sika athwaayo yaamukhumiha otte wa muzinda emuvokha malluku ophiyera okhwa.

Levitiko 20:2

aalleelle Aisraele wi, “Arive Muisraele apaalle mulleto ookhalla variyari vanyu aaheraatthi mukutho anaaye wa mulluku Moleki, iiphiwe, athu attheene emuvokhe malluku.

Levitiko 20:27

“Mullopwana apaalle mutthiyana oollota ni minepa dda athu ookhwa apaalle amanyaka yiiphiwe voovokhiwani malluku nave nikhame niwa nikhalle va muru viwa.”

Levitiko 24:23

Mose ahaalleella ddenndda Aisraele nave alliwa yaamukhumiha muthu ootembeleloolle omisasani, emuvokha malluku. Sika Aisraele yaheera nnddo Apwiya yamulamulalliiwa Mose.

Numeri 15:36

Enthawi yeeyo athwaayo yaamukhumihella muthooyo vaatte va misasa nave yaamwiipha voomuvokhani malluku moollikana ni mmo Apwiya yamulamulelliiwa Mose.

Luka 4:29

Vano yaavenya, emukhumihella Yesu otte wa etawoneeyo, eyaana otthoka va mwaango mvo yamakilliiwavo etawoniweeyo wi yamukakhelle vatthi ovenyera vaavo.

Mitteko 7:58

Yaamukhumihella otte wa muzinda nave emuvokha malluku. Amboni ayo yamuvaanyiha Sitefano yaahiya ddoowara ddiwa m'mattani mwa musombwe mmodda ooromolliwa Saulo wi addiwehereke.

Deuteronomo 21:21

Vano athu a m'muzindanimmo emwiiphe voomuvokhani malluku nave mwawi ddiidda muneerovenyihavo yoonanara variyari vanyu. Aisraele attheene eneerewiiwa ddenndda nave eneerewoova.”