Numeri 15:3 - Mawu a Mulluku

³ mwavelleelleke wa Apwiya mukutho wa eng'ombe, enkhosa apaalle epuri, wawoosiwa viikho apaalle wooshellelliha apaalle woollupella apaalle wa opaalla wanyu va enthawi ya ehakallallo ddootthoolliwa wi ddikhalle mukutho wa nthuko nawaaddivella Apwiya.

Numeri 15:3 Iomraidhean Croise

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Ezara 7:17

Vano ni makobiraalla okulle moororomelleya anankhoro a eng'ombe, anankhoro a enkhosa ni asaanaankhosa vamodda ni mikutho ddiwa dda othu ni dda vinyo. Nave oddivelleelle vanikuwani na o enyumba ya Mullukwaanyu eyo eri mu Yerusalemu.

Masalimo 54:6

Nyu Apwiya, kineerovelleella mukutho wa nyuwaano moopaalla mwaka. Kineerotitimiha nnddina nanyu vawi nyuwaano tti aphaama.

Eksodo 29:18

Nave oshellellihe enkhosa ettheeneeyo va nikuwamvo. Yooyo onaakhalle mukutho wooshellelliha woovelleella wa Apwiya, mukutho wa nthuko nawaaddivella, wawoosiwa viikho.

Eksodo 29:25

Sika oddikuse nndde ovenyera m'mattani mwiwa nave oddishellellihe va nikuwa ni mukutho wooshellelliha wi ddikhalle mukutho wa nthuko nawaaddivella Apwiya, mukutho wawoosiwa viikho woovelleelliwa wa Apwiya.

Eksodo 29:41

Vano waamuvelleellaka mwaanaankhosa aneepiillooyo misikuwa oweekena ni muyezo woophwanaphwana wa othu, makhura ni vinyo wonanko ohinase. Ddennddo ddikhalle mukutho wa nthuko nookiddivella, wawoosiwa viikho wa mi Apwiya.

Levitiko 10:13

Muwuchelle vanipuroni noopatuleya kaambiiwa yoolla tti echigawaanyu ovenyera va mikutho ddawoosiwa viikho ddoovelleelliwa wa Apwiya wi okhalle waanyu, weyaano ni anaawo. Ddenndda tti nnddo Apwiya yakilamulalliiwa.

Levitiko 27:2

aalleelle Aisraele wi, “Muthu allupella wi aneeromuvelleella muthu mukhwaaye wa Apwiya koma vatulli viwa apaalla omoopolla,

Levitiko 7:16

“Koma mukuthooyo awuvelleella moollupella apaalle mwa opaalla waye, ayiche va nllapo nno anavelleelleeye mukuthooyo. Nave enama yoohalla ayiche waasaka wene.

Numeri 28:27

Nave muvelleelleke mukutho wooshellelliha, wa nthuko nawaaddivella Apwiya. Nave okhalleke wa anankhoro a asaanaang'ombe eelli, nankhoro a enkhosa emodda ni asaanaankhosa atthanu ni eelli a muyakha mmodda, ddittheddene ddikhalleke ddoohirakalla.

Numeri 29:8

Nave muvelleelle mukutho wooshellelliha, wa nthuko nawaaddivella Apwiya. Nave okhalleke wa anankhoro a asaanaang'ombe eelli, nankhoro a enkhosa emodda, anankhoro a asaanaankhosa atthanu ni eelli a muyakha mmodda, ddittheddene ddikhalle ddoohirakalla.

Numeri 6:15

Avelleellettho mutaanga wa buledi oohikhalla ni yisiti a othu waphaama oottakanyihera ni makhura ni buledi ooshashaalla oomara makhura ni mukutho wa othu ni wa yoowirya.

Mateyu 3:17

Vano mawu yahiiweya ovenyera oddullu wi, “Olla sika Mwanaka ookondiwa, kinnahakallallana ni murimaaka muttheene.”

2 Akorinto 2:15

Vawi hiyaano niri wonanko nthuko naphaama phaama noovelleelliwa ni Khrisitu wa Mulluku, nko onavuwihiwa variyari va ayo enaavullusiwe ni ayo ehinaavullusiwe.

2 Akorinto 2:16

Wa ayo ehinaavullusiwe, tti wunkha wawiipha. Koma wa ayo enaavullusiwe, tti nthuko naphaama noovaha okumi. Khaya vano ttaani anaawore mutteko yoolla?

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Deuteronomo 12:11

Sika Apwiya eneerotthoolla nipuro noollapellavo wi ekeraatthihevo nnddina niwa nave muneerekowaana wenko ddittheddene kuulamulalleemini monga mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella ddoohiwatiheriwa navettho ddoovelleella ddanyu ddoollupella.

Deuteronomo 12:17

Muhicheke m'mizi ddanyu yaneekhumi ya tirigwaanyu, ya vinywaanyu apaalle ya makhuraanyu a olivi. Wenkottho muhicheke erive ello eyo muvelleelleenyu wa Apwiya monga anamwani awaamba a eziweto ddanyu, ddoovelleella ddanyu ddoollupella, ddoovelleella dda opaalla wanyu apaalle emphaso ddanyu nnddo mulonjezilleenyu ovelleella wa Apwiya.

Deuteronomo 12:6

wi mwavelleelleke mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella dda opaalla wanyu, ddoovelleella ddoollupella, emphaso ddanyu ni ddoovelleella dda anamwani awaamba a eziweto.

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.