Numeri 15:27 - Mawu a Mulluku

²⁷ “Muthu mmodda achimwa moohidduwella, avelleelle epuri yaamutthiyana ya muyakha mmodda wi ekhalle mukutho woopepesella machimo.

Numeri 15:27 Iomraidhean Croise

Levitiko 4:2

aalleelle Aisraele wi, “Arive muthu anachimwa apaalle aneera moohidduwella erive ello yoovaanyihiwa ni malamulo a Apwiya, avelleelleke mukutho.

Numeri 6:14

nave olliye avelleelle mikutho wa Apwiya. Amuvelleelle nankhoro a mwaanaankhosa a muyakha mmodda oohirakalla wi akhalle mukutho wooshellelliha, enkhosa yaamutthiyana yoohirakalla wi ekhalle mukutho woopepesella machimo nave nankhoro a enkhosa yoohirakalla wi ekhalle mukutho wa eyaattano.

Luka 12:48

Koma mullupa mutteko oyo ahinadduwella ello apwinnya enapaalliiwa wi eere nave eera ddoophwanella ollakiwana, aneerewuukuthiwa vang'ono. Nave muthu avahiwe ddeko ddinchichi aneerohokollosa ddinchichi nave muthu avahiwe ddawaatesesa aneerohokollosa ddawaatesesa.”

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Mitteko 3:17

“Nave vano, akhwaakanyu, kinnadduwella wi nyuwaano ni attekweenaanyu mwaamweerella ddenndda Yesu ekaamba ya ohidduwella wanyu.

1 Timoteo 1:13

naari khalle kaanamullotella epewe, kaanamuvevulla ni omuhoosa. Nave Mulluku aakeerella echifundo kaambiiwa ngaamukhulupililalle olliyooyo sika ngaadduwella eyo keereemi.