Numeri 15:20 - Mawu a Mulluku

²⁰ Va Buledaanyu a ddoohata ddawaamba, muvelleelleke mwitthi mmodda wi akhalle mukutho. Mumuvelleelle wonanko mmo muneerelleenyu voomuuputhani tirigu.

Numeri 15:20 Iomraidhean Croise

Nehemiya 10:37

Nave nineerowaana wa allupa mukutho, mu ezipinda ddoosungellamo ddeko mu enyumba ya Mullukwaahu, othu wawoottowa wawaamba navettho emphaso ddahu ddimodda monga ezipaso dda orive muteekho, vinyo ni makhura. Nineerovelleellattho wa Alevi, emodda yaneekhumi ya ddeko dda m'matani mwahu vawi Alevi sika enatthukumaniha ddeko ddittheddene ddaneekhumi mu ezigawo ddahu ddittheddene.

Eksodo 23:19

“Oweekena ddeko ddaphaama wunchichi dda ddoohata ddawo ddawaamba dda m'matani mwawo, onipuroni na mallapello na Apwiya Mullukwaawo. “Ohaapeyeke enama ya musaana a epuri apaalle a enkhosa voopharihellani mutteko mukaka wa amennya.

Eksodo 34:26

“Muweekena ddeko ddaphaama wunchichi dda ddoohata ddanyu ddawaamba dda m'matani mwanyu, onipuroni na mallapello na Apwiya Mullukwaanyu. “Muhaapeyeke enama ya musaana a epuri apaalle a enkhosa voopharihellani mutteko mukaka wa amennya.”

Ezekiele 44:30

Ddittheddene ddaphaama ddawaamba wiithwa ni va ddoovelleella ddimodda ddikhalleke dda allupa mukutho. Mwaavaheke othwaanyu wawaambeella osilla. Mweera ddiiddo mpa mwanyu muneerokhalla madaliso.

Levitiko 2:12

Piillinnddo ttuuwaana wonanko mukutho wa ddoohata ddawaamba ddoovelleelliwa wa Apwiya. Koma ahinaddishellelliha vanikuwani wi ddikhalle ni nthuko nawaaddivella Apwiya.

Levitiko 2:14

Aavelleellaka wa Apwiya mukutho wa ddoohata ddawaamba, mukuthooyo okhalle wa tirigu anaanweene awaarika nave oosilleya.

Levitiko 23:10

aalleelle Aisraele wi, “Mwavollowa mu ellapo eyo kinaawuuvaheemini ni ohata dda m'matani mwanyu, muwe wa mullupa mukutho ni mutolo wa tirigu awaamba owaraalla mwa ddoohata ddanyu.

Levitiko 23:20

Mullupa mukutho amutukhullelle muddullu buledi a ddoohata ddawaamba ni a anankhoro a enkhosa eellaalle wa Apwiya. Mikutho ddenndda tti ddoopatuleya wa Apwiya nave tti dda allupa mukutho.

Numeri 15:21

Sika olla tti mukutho wa apwiya va othwaanyu wawaamba wa mibado ddanyu ddittheddene.”

Numeri 18:12

“Kohuuvahani ddeko ddittheddene ddaphaama wunchichi ddawaamba ohata nnddo athu enavelleelliiwa wa miyaano monga makhura, vinyo ni tirigu.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Aroma 11:16

Muthu ammeya buledi amuvelleella wa Mulluku wi eellihiwe, buledi muttheenooyo annakhalla aweella. Nave misisi dda muteekho ddakhalla ddaweella, enthambi ddiwa ddinakhallattho ddaweella.

1 Akorinto 15:20

Koma yawoona tti yawi Khrisitu oovenyihiwa wa ookhwa wi akhalle awaamba wa ayo enaavenyihiwe.

Deuteronomo 14:22

“Muyipatuleke yaneekhumi ya emodda mwa ezigawo khumi ya ddoohata ddanyu dda vamuyakhani.

Deuteronomo 14:23

Vatulli viwa muye mwakhalle va nipuro nimodda nno Apwiya Mullukwaanyu yaatthoollilliiwa. Nave ezigawo ddittheddenenndda dda tirigu, vinyo ni makhura a olivi vamodda ni dda anamwani awaamba a eziweto muchelle vamiitthoni va Apwiya Mullukwaanyu. Mweereke ddenndda wi muhuddere owoova Apwiya Mullukwaanyu enthawi ddittheddene.

Deuteronomo 16:13

“Mwamalliha omuuputha tirigwaanyu muttheene navettho owamulla mpesa ddanyu, mweereke Ehakallallo ya Misasa va mallapo matthanu ni meelli.

Yakobo 1:18

Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

Yawuupullulla 14:4

Yaalla yahiisunga sika asombwe oohiiripiha ni atthiyana. Yaanamuthwara mwaanaankhosa orive weko ayiilleeyewo. Yahoopolliwa variyari va athu attheene nave tti awaamba ovelleelliwa wa Mulluku ni wa Mwaanaankhosoolle.