Numeri 14:9 - Mawu a Mulluku

⁹ Koma muhiwiinyullulle Apwiya. Muhinawoova athu a mwiillaponimmo vawi nineerewaagonjiha. Muhiwoove vawi alliwa khenna owaaseera nave Apwiya eri ni hiyaano.”

Numeri 14:9 Iomraidhean Croise

Genesis 48:21

Vatulli viwa Yakobo aamulleella Yosefe wi, “Onnoonathi wi kiri vakhuviru okhwa koma Mulluku akhalla ni weyaano nave aneerewuuhokollosella o ellapo ya makhollwaawo.

2 Epilli 13:12

Vano ngoonani! Mulluku ari ni hiyaano nave allupa mukuthwaaye eri vaava ni mapallapatiiwa, aakhozeka wi ewiipe oniithana wi niwane ekhoto ni nyuwaano. Nyu Aisraele, muhillipane ni Apwiya Mulluku a makhollwaanyu vawi khamupambana.”

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

2 Epilli 20:17

Khewupaalleyattho owanana ekhoto koma nyu mukhulle moona wiimella m'mapuroni mwanyu. Nave muwoonelleke Apwiya epambanaka ekhoto munipuroni mwanyu, nyu athu a o Yuda ni Yerusalemu.’ Muhoove nave muhitathille murima, osiisello khaweni mwawanena nave Apwiya enorokhalla ni nyu.”

2 Epilli 32:8

Olliye ari ni mulloko wakhoto wa omwiillini koma oyo ari ni hi tti Apwiya Mullukwaahu wi anikavihere ni oniwanella ekhoto ddahu.”

Nehemiya 4:14

Koma kaaweha, kivenya nave killota wa athu oolamulella, owaahoollella ni athu amodda attheene wi, “Muhiwooveke. Upuwellani wi Apwiya tti uullupalli ni awoopiha navettho ennaawanella ekhoto abalaanyu, aniinyu, awarinyu ni enyumba ddanyu.”

Masalimo 106:24

Sika alliwa yaavevulla ellapo yaphaama voohikhulupililani mawaaye.

Masalimo 121:5

Apwiya sika awuutetezaawo, Apwiya sika muuthuuchaawo wa o nnattanatta nawo.

Masalimo 14:4

Ethiyo oonanaraalla kheniiwesesa? Ennaamirya athwaaka wonanko yoocha, khenaallapella Apwiya.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

Masalimo 46:8

Waawoni moone mitteko dda Apwiya, mmo eneerelliiwa ddoottikhiniha va ellapo yavatthi.

Masalimo 74:14

Mwaapwesa miru dda Leviyatani,* muyitathilla wi ekhalle yoocha ya enama ddawoopiha ddamuhakani.

Masalimo 91:1

Muthu ookhalla mu mpanda wa Amasiva Mattheene, oyo anakhalla m'muuthuuchinaaya,

Eksodo 14:13

Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Eksodo 33:16

Ethiyo ddinaadduwanyeye mwawiidde wi mookeerella echifundo ni athwaanyu mwaahithaanana ni hiyaano? Mwathaanana ni hiyaano ddineeronihiyaniha ni athu amodda attheene a va ellapo yavatthi.”

Yesaya 1:2

Apwiya yaallota wi, “We oddullu, ngiiwa nave we ellapo yavatthi, apella maaru, mi Apwiya kinimallota. Kahaayara anamwani navettho kahaallella koma aakiwukila.

Yesaya 32:2

Arive muthu mwa alliwa anaakhalle wonanko voothawellavo ephevo apaalle nipuro noomwiipitthellavo namondwe. Enaakhalle wonanko mihinje ddaweeta mu ellapo yawumma apaalle muuthuuchi wa nlluku nuullupalli mu echipululu.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.

Yeremiya 1:19

Eneerollipana ni weyaano koma oneeropambana vawi kiri ni weyaano nave kineerewuuvullusa.” Mi Apwiya koollota.

Yeremiya 42:11

Muhimoove mwene a o Babiloni oyo munamovaanyu ollello. Muhimoove mwenooyo kaambiiwa miyaano kiri ni nyuwaano wi kuuvulluseni ni owaakiherani m'mattani mwaye.

Yeremiya 48:45

Oothawa enniimella va Heshiboni, ekaamba yootopa wunchichi. Koma mallumi amunllo a o Heshiboni, mallumi amunllo oovenyera o enyumba yoomwene Sihoni nave munllooyo onoononga miyaango dda o Mowabu, ellapo ya athu a maraapwa.

Daniele 9:5

Hiyaano noochimwa, noheera ddoonanara ni ddoolakwa. Nohuuwukilani voohiyani malamulwaanyu ni malangizwaanyu.

Daniele 9:9

Apwiya Mullukwaahu, muri eechifundo navettho ookhululukella naari nuuwukinleni.

Numeri 13:30

Koma Kalebe ahaalleella wi emaalleye vamiitthoni va Mose voollotani wi, “Hankoni niyeewo naanweene vaava naakhe ellapweeyo vawi moohikayika nineerewaagonjiha.”

Numeri 17:6

Sika Mose aallota ni Aisraele. Nave oohoollella attheene yaamwinnya ekoponnddo, arive muthu ekopo emodda moollikana ni mabanjiiwa navettho makhollwiiwa, sika wi ekopo khumi ni piilli vamodda. Ekopo ya Aroni yaari variyari va ekopo ddiwa.

Numeri 20:2

Khewaari maaddi oowirya. Sika athwaayo yaatthukumana emuwukila Mose ni Aroni.

Numeri 24:8

Mulluku ahaakhumiha mu Iguputo. Okhalla ni masiva wonanko enari. Aneerewiipha mitundu dda adanaaye, aneeropwesa makhuviiwa, aneerewaaphovolla ni mipaamba ddaye.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Deuteronomo 1:21

Ellapweene tti yeella eyo Apwiya Mulluku enuuvaheewani. Khaweni mwaakhe moollikana ni mmo yuulamulelleewani. Muhoove apaalle otathilla murima.’

Deuteronomo 1:26

“Koma mwaawukila olamulello wa Apwiya Mullukwaanyu kaambiiwa khamwaapanlle oyaawo.

Deuteronomo 1:29

“Koma miyaano kahuulleellani wi, ‘Muhiwoove athu yaayo.

Deuteronomo 31:6

Khallani amasiva ni oollipa murima. Muhiwoove athu yaalla apaalle otathilla murima kaambiiwa Apwiya Mullukwaanyu eneerewuuhoollellani nave kheyuuhiyani nyookha apaalle wuutathillani.”

Deuteronomo 31:8

Apwiya aneeniiwa eneerewuuhoollella nave eneerokhalla ni weyaano. Kheyuuhiya weekha apaalle wuutathilla, sika ohoove apaalle otathilla murima.”

Deuteronomo 32:42

Kineerolezeliha mipaamba ni nikhame na adani, nsupada naka nineerohoma muhehiiwa. Oohomiwa ni akaporo nikhame niwa nineereweetellella, miru ddiwa dda meehi oorekama ddineerophaddiwa.”

Deuteronomo 7:18

Muhiwoove alliwa koma muupuwelle nnddo Apwiya Mullukwaanyu yamweerenlliiwa Farao ni athwaaye.

Deuteronomo 7:21

Muhiwoove athu yaalla. Apwiya Mullukwaanyu eri variyari vanyu nave alliwa tti Mulluku muullupalli oophwanella omoova.

Deuteronomo 9:7

“Upuwellani nave muhitiwalle mulle mwaashihelleenyu murima Apwiya Mullukwaanyu muchipululuni. Ovenyera nllapo nne mwakhumalleenyu mu Iguputo ophiyera nllapo nno mwaphiyalleenyu wuno mookhalla mwaawukila Apwiya Mullukwaanyu.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Yoswa 1:5

We Yoswa khaavo anaawore wuugonjiha mu okumaawo muttheene. Miyaano kineerokhalla ni weyaano wonanko mmo kakhallelleemi ni Mose, ngiwa kuuhiya.

Yoswa 14:12

Vano mukikawelle ellapo yamiyaango moollikana ni mmo Apwiya yakilonjezelliiwa. Valle mwahiiwa wi Aanaki, athu amasiva, aakhallawove wenko m'mizindani dduullupalli ni ddamipanda. Koma apaalle Apwiya ttuukhalla ni miyaano nave kineerowiikariha moollikana ni mmo Apwiya yallotelliiwa.”

Oweeruza 1:22

Malloko a Yosefe alliwattho yaaya yawana ni athu a muzinda wa Betele nave Apwiya yaari ni alliwa.