Numeri 14:8 - Mawu a Mulluku

⁸ Apwiya yaarimi ehakallallaka ni hiyaano, eneeronivollochiha mu ellapo ya mukaka ni enwi nave eneeronivaha wi ekhalle yaahu.

Numeri 14:8 Iomraidhean Croise

2 Samuele 22:20

Yaakiphiyiha onipuroni namurendelle, yaakivullusa kaambiiwa yaahakallalla ni miyaano.”

1 Mamwene 10:9

Oodalisiwa tti Apwiya Mulluku ayo ehakallanlle ekaamba ya nyuwaano ni wuukeraatthihani va mpando woomwene wa Israele vawi Apwiya yaamukonda Israele wa enthawi yoohimalla sika aaweerani wi mukhalle mwene wi mwalamulelle mwa echiweruzo ni mwa echilungamo.

2 Mamwene 18:32

Muneereke ddiiddo ophiyera mwene uukusalleni oya o ellapo yoophwanaphwana ni yawinyweella, ellapo ya tirigu ni vinyo, ya buledi ni emata ddampesa, ya miteekho dda olivi ni enwi wi wenko mwakhalle ni okumi, oohikhwa. Sika nyu, muchenjere Hezekiya ahuukarangeyiheni vawuulleellani wi Apwiya eneerewuuvullusani.

Masalimo 22:8

Enallota wi, “Waaroromella Apwiya, Apwiya yaayo yuuvulluse, ewoopollethi vano vawi ennuukonda.”

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Yesaya 62:4

Khowa oromolliwattho “Oohiyiwa.” Ellapwaawo khewa eromolliwattho “Echipululu.” Koma vano onaaromolliweke “Kinnahakallalla ni olliye.” Ellapwaawo enaaromolliweke “Ootthelliwa moohakallalla” ekaamba yawi Apwiya ennahakallalla ni weyaano, onaakhalle wonanko ootthella a ellapwaawo.

Yeremiya 32:41

Kineerohakallalla vooweerellani ddaphaama. Nave kineerewaakeraatthiha mu ellapweella moororomelleya ni murimaaka muttheene ni opaalla wake ottheene.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Numeri 13:27

Yahaalleella wi, “Naaphiya o ellapo eyo mwanirumalleenyu. Ellapweeyo tti ya mukaka ni enwi nave ezipaso ddiwa tti nndda.

Numeri 16:14

Woonjerera vaavo khamunivollochihalle mu ellapo ya mukaka ni enwi nave khamunivahille voollima apaalle emata yampesa wi ekhalle wonanko yoohallanaahu. Ethiyo munapaalla onimara muyeepe? Hiyaano khaniwa wenko.”

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Deuteronomo 10:15

Komave Apwiya yahaakondesesa makhollwaanyu vawi munipuroni mwawaatthoolla athu amodda, yaatthoolla edduullu dda makhollwaanyu, sika wi nyuwaano, ophiyera ollello.

Yoswa 14:12

Vano mukikawelle ellapo yamiyaango moollikana ni mmo Apwiya yakilonjezelliiwa. Valle mwahiiwa wi Aanaki, athu amasiva, aakhallawove wenko m'mizindani dduullupalli ni ddamipanda. Koma apaalle Apwiya ttuukhalla ni miyaano nave kineerowiikariha moollikana ni mmo Apwiya yallotelliiwa.”